Республикалык деңгээлдеги мааниге ээ Ысык-Көлдүн тескейиндеги жолду калыбына келтирүү өткөн жылы Бөкөнбаев жана Тоң айылдарынын ортосундагы жол тилкесин оңдоодон башталган.
Ал бөлүктөгү жолдун узактыгы 4км 459 метр. Ысык-Көл облусунун тургундары менен меймандары белги түшүрүлгөн жаңы оңдолгон жолго баа беришти.
Үстүбүздөгү жылы Балыкчы-Бөкөнбаев-Каракол трассасындагы оңдоо иштери жолдун бетин бүдүр-катмар төшөө ыкмасы менен 45-ден 53-чакырымга чейин (Бар-Булак, Шор-Булак айылдары) жана 108-ден 112-чакырымга чеийн (Кажы-Сай айылынан ары) жалпы узундугу 12км бөлүктөрүндө аткарылды.
2013-2014 жж аралыгында Ысык-Көл облусунун жолдорун оңдоого «Кумтөр Голд Компани» ЖАКы 1,9 млн. АКШ долларын жумшаган. Бардык оңдолгон жол бөлүктөрү жергиликтүү бийликтин катышуусу менен оңдоого өтө муктаж жерлерден тандалып алынган.
