ФОТОРЕПОРТАЖ — КУМТӨР КЕН ЖАЙЫНДА АЛТЫНДЫ ЖЕР АСТЫНАН КАЗЫП АЛУУ ДОЛБООРУН БАШТООГО СТАРТ БЕРИЛДИ

Жарыяланган: 16 February 2024

Кыргыз Республикасынын Министрлер Кабинетинин төрагасынын биринчи орун басары Адылбек Касымалиевдин жана «Кумтөр Голд Компани» жабык акционердик коомунун президенти Алмазбек Барыктабасовдун катышуусунда 15-февраль күнү Кумтөр кен жайында алтынды жер астынан казып алуу долбоорун баштоого старт берилди.

Алмазбек Барыктабасов жер астынан алтын казуу ыкмасын колдонуу – ишкананын өндүрүмдүүлүгүн арттырууга багытталган эң маанилүү милдеттердин бири экенин баса белгиледи.

Жер астынан алтын казуу менен компания алтындын курамы жогору болгон рудаларга жетүүнү көздөөдө.