КУМТӨРЧҮЛӨР ЧЕТ ӨЛКӨЛҮК ТУРИСТТЕРДИ КУТКАРДЫ

Жарыяланган: 22 August 2026

Кумтөрдүн куткаруучулары бийик тоолуу аймакта кооптуу кырдаалга кабылган чет өлкөлүк туристтерди дагы бир жолу куткарышты.

Бул жолу Кара-Сай өрөөнүндө (Жети-Өгүз району) Нидерланддан келген эки турист жардамга муктаж болгон.

21-августта туристтер Барскоон капчыгайы аркылуу Сыртты көздөй жолго чыгып, кийин эл аралык SOS сигналын беришкен. 22-августта эртең менен Кыргызстандын ӨКМи алардын соңку координаттарын Кумтөрчүлөргө берип, жардам сурап кайрылган.

Саат 09:15те туристтерди издөөгө Кумтөрдүн сегиз кызматкери үч унаа менен чыккан. Куткаруучу топ дрон жана спутниктик байланыш каражаттары менен жабдылган. Саат 12:27де туристтер табылып, аларга керектүү жардам көрсөтүлүп, Ак-Шыйракты көздөй кеткен негизги жолго чейин коштоп барышкан.

Белгилей кетсек, мындан бир нече ай мурда Кумтөрдүн куткаруучулары тоодо дайынсыз жоголгон италиялык туристтерди издөөгө да катышып, аларды куткарып калышкан.