КООМДУК ТАМАКТАНУУ КЫЗМАТЫНА ЭКИ ЖЫЛДЫК ТАКШАЛМА ӨТҮҮ ҮЧҮН ТАНДОО

Жарыяланган: 30 April 2025

ТАПШЫРУУНУН АКЫРКЫ МӨӨНӨТҮ: 14.05.2025, 16:00го чейин.

“Кумтөр Голд Компани” ЖАК коомдук тамактануу кызматына эки жылдык такшалма программасынан өтүү үчүн ЖОЖдордун бүтүрүүчүлөрүн тандоо жүргүзөт.

Талаптар:

• Кулинария тармагында билим;
• Социалдык көндүмдөр жана командада иштөө жөндөмү;
• Кесиптик өсүүгө жана жаңы көндүмдөрдү алууга умтулуу;
• Жогорку тоолуу шарттарда иштөөгө жарамдуулук.

Милдеттер:

• Ар кандай тамактарды даярдоо үчүн даярдыктарды өндүрүү (жашылчаларды жана жемиштерди тазалоо жана кесүү);
• Ашпозчуларга тамактарды даярдоодо жардам берүү;
• Ашкана жабдууларын жана идиш-аяктарды таза кармоо;
• Конвейердик идиш жуугуч машина менен иштөө (фарфор жана айнек идиштерди жуу).
• Кесиптик идиштерди жуу;
• Тамак-аш жана катуу калдыктарды сорттоо жана чогултуу;
• Жалпы тазалоо иштерин жүргүзүү;
• Ашпозчу же тамактануу координаторунун тапшырмаларын аткаруу.

Такшалманын шарттары:

• Акы төлөнүүчү такшалма
• Такшалманын узактыгы – 2 жыл
• Такшалманын орду – Кумтөр кени
• Такшалманын графиги – 14/14

Тандоого катышуу үчүн төмөнкүлөр керек:

• Анкетаны толтуруп, бардык керектүү документтерди 2025-жылдын 14-майында 16:00дөн кечиктирбестен шилтеме аркылуу өтүп тиркеңиз.

Тестирлөөгө жана маектешүүгө эң ылайыктуу талапкерлер гана чакырылат.