Фотогалерея

Ачык, карьердик ыкма менен кен казылып жаткан “Кумтөрдүн” экологияга сөзсүз таасири бар. Биз кен иштедүүдөгү табигый биологиялык ар түрдүүлүктү сактоо жана өндүрүштүн айлана-чөйрөгө тийгизген терс таасирин азайтуу боюнча милдеттенмелерибизди так аткарып, био ар түрдүүлүктү арттыруу боюнча өнөктөштөрүбүз менен тыгыз кызматташуудабыз. Биз бул милдеттерди ийгиликтүү ишке ашыруу үчүн жергиликтүү, мамлекеттик жана эл аралык өнөктөштөр менен кеңешип, алар менен биргеликте иштөө керек экенин эң жакшы түшүнөбүз.

Кумтөр – дүйнөдөгү эң бийик тоолуу алтын кендеринин бири. Ортоңку Тянь-Шандын чыгыш бөлүгүндө, деңиз деңгээлинен 4000 метрден ашык бийиктикте, түбөлүк муздук зонада жайгашкан. Кен Ысык-Көл облусунда орун алып, Кыргыз Республикасынын борбору Бишкек шаарынан 350 чакырым алыстыкта жайгашкан.

Фабриканын өндүрүштүк кубаттуулугу суткасына 16 миң тонна кенди иштетүүгө ылайыкташкан. Кенди кайра иштетүү аяктагандан кийин, 80 пайызы баалуу метал болгон алтындын Доре куймасы өндүрүлөт.