“Кумтөр” компаниясынын 2014-жылдагы өндүрүштүк ишмердүүлүгүнүн негизги жыйынтыктары

Жарыяланган: 13 March 2015

Негизги өндүрүштүк жана финансылык көрсөткүчтөр

2014-жылы “Кумтөр” кен ишканасында 567 693 унция* же 17 657 кг алтын өндүрүлгөн. Сатып өткөрүлгөн продукциянын көлөмү 561 154 унцияны же 17 454 кг алтынды түзгөн. Жылдын жыйынтыктары боюнча сатып өткөрүүдөн алынган жалпы каражат 694,6 млн. долларды** түзгөн. Негизги өндүрүштүк жана финансылык көрсөткүчтөр төмөнкү таблицада келтирилген:

* – Маалымат үчүн: троялык унция = 31,10348 грамм.

** – Башкасы көрсөтүлбөсө, бардык акчалай суммалар АКШ долларында келтирилген.

*** – «Түзөтүлгөн операциялык жумшоолор», «Өндүрүштү колдоп турууга жалпы жумшоолор», салыктарды эсепке алган жана албаган «Бардык жумшоолор», доллар менен сатып өткөрүлгөн бир унцияга, «Сатып өткөрүлгөн продукциянын орточо баасы» менен «Сатып өткөрүлгөн продукциянын өздүк наркы» сатылган унцияга кайра эсептөөлөрдөгү, Капиталдык жумшоолор (негизги фонддорду колдоп турууга жана өнүктүрүүгө) Бухгалтердик эсептин (GAAP) жалпы кабыл алынган көрсөткүчтөрү болуп саналбайт жана «Центерранын» пресс-релизинде «GAAPта колдонулбаган көрсөткүчтөр» бөлүмүндө жана 2015-ж. 19-февралындагы “Жетекчилик тараптан талкуулоо жана анализ” (MD&A) бөлүмүндө каралат.

Кыргыз Республикасынын бюджетине төлөмдөр жана башка милдеттүү которуулар

2014-жылдын 12 айында компания тарабынан Кыргыз Республикасынын бюджетине салыктар, Кыргыз Республикасынын Социалдык фондусуна которуулар, ошондой эле башка милдеттүү төлөмдөр түрүндөгү которуулар  120 млн. даллардан ашкан, бул Кыргыз Республикасынын Улуттук банкынын 2014-жылдагы 31-декабрына карата курсу боюнча 7 миллиард 75 миллиондой сомду түзөт.

Эскертүү: 2009-жылдын 24-апрелиндеги “Кумтөр” долбоору боюнча жаңы шарттар жөнүндө макулдашууга ылайык, дүң кирешеге салыкты жана Ысык-Көл областын өнүктүрүү фондусуна взносторду эсептөө үчүн база катарында көрсөтүлгөн мезгилге продукцияны сатуудан иш жүзүндөгү акчалай түшүүлөр саналат.

Кыргыз Республикасынын аймагындагы төлөмдөр

2014-жылы Кыргыз Республикасынын аймагындагы төлөмдөр (салыктар, аффинаж үчүн төлөм, товарлар жана кызматтар алынган үчүн жергиликтүү ишканаларга төлөмдөр, инфраструктура боюнча төлөмдөр, кайрымдуулук ж.б. кошуп эсептелгенде) 283 млн. доллардан ашкан.

Жалпысынан компания иштеген 1994-2014-жж. аралыгындагы Кыргызстан аймагындагы төлөмдөр 2 миллиард 707 миллион долларынан ашкан.

Компаниянын өндүрүштүк ишмердүүлүгүнүн Кыргыз Республикасынын макроэкономикалык көрсөткүчтөрүнө таасири

Кыргыз Республикасынын Улуттук статистика комитетинин алдын-ала маалыматы боюнча:

– «Кумтөрдүн» өлкөнүн ИДПсындагы 2014-жылдагы үлүшү             7,4%;

– «Кумтөрдүн» өнөр-жай өндүрүшүнүн жалпы көлөмүндөгү үлүшү 23,1% түздү.

Комментарий

«Кумтөр Голд Компанинин» президенти Даниэль Дежарден компаниянын 2014-жылдагы ишмердүүлүгүнө төмөнкүдөй комментарий берди: “Мен 2014-жылдын өндүрүштүк пландары ийгиликтүү аткарылганын билдирүүгө кубанычтамын. Өткөн жылдын төртүнчү чейрегинде алтын рудага бай SB зонасына чыгууга байланыштуу 291 635 унция алтын өндүрүлүп, ошол эле жерде алтын өндүрү 2015-жылдын биринчи чейрегинде да уланууда.

Алтын өндүрүүнүн басымдуу көлөмү төртүнчү чейрекке туура келген өткөн жылдарга салыштырмалуу, быйыл Кумтөрдө алтын өндүрүүнү чейрек сайын текши күтүп жатабыз. Алдын ала эсептөөлөргө ылайык 2015-жылы “Кумтөр” кенинде өндүрүштүн көлөмү 470-520 миң унция же 14,6-16,2 тонна чамасындагы алтынды түзмөкчү”.

2015-жылга прогноз

2015-жылы капиталдык жумшоолор кыртыш ачуу иштерин аткарууга чыгымдарды кошпогондо 75 млн доллар түзүшү керек. Негизги фондуларды модернизациялоого чыгымдар негизинен ири масштабдуу оор жүк ташуучу тоо-кен техниканы жаңыртып жабдуу (36 млн доллар); калдыктар чарбасындагы дамбанын бийиктигин жогорулатуу боюнча курулуш иштери (7 млн. доллар) жана башка статьалар (6 млн доллар) менен байланыштуу.

Өнүктүрүүгө инвестициялар 26 млн доллар өлчөмүндө пландалган жана KS-13 планына ылайык карьердин контурларынын кеңейишине байланыштуу кен ишканадагы инфраструктура объектилерин көчүрүүнү, сууну сордуруп алуу иш-чараларын камтыйт.

Карьерди иштетүүгө байланыштуу кыртыш ачуу иштерине капитализацияланган чыгымдардын акчалай курамы  2015-жылы 185 млн доллар өлчөмүндө күтүлүп, жалпы кыртыш ачуу иштерине жумшоолор 234 млн долларды түзөт.

● ● ●

“Кумтөр” кен ишканасы Кыргыз Республикасында жайгашкан, Борбордук Азиядагы батыш компаниясы тарабынан башкарылуучу эң ири алтын кен ишканасы болуп саналат. 1997-жылдын майында өнөр жайлык өндүрүш башталгандан 2013-жылдын 31-декабрына чейин “Кумтөрдө” жалпысынан 9,9 млн. унция же 307,9  тонна алтын өндүрүлгөн.

“Кумтөр Голд Компани” “Кумтөр” долбоорунун оператору болуп саналат жана бүтүндөй өндүрүштүк цикл үчүн жоопкерчилик тартат.

“Центерра Голд Инк.” өнүгүүгө багытталган Азияда, Канадада жана дүйнөнүн башка өлкөлөрүндө алтын кендерин алуу, чалгындоо, кайра иштетүү жана эксплуатациялоо менен алектенген, алтын өндүрүүчү компания. “Центерра” түндүк америкалык алдыңкы алтын өндүрүүчү жана Борбордук Азиядагы ири алтын өндүрүүчү батыш компаниясы. “Центерранын” жөнөкөй акциялары Торонто фондулук биржасында (TSX) CG символу астында жүгүртүлөт. Компания Торонто шаары, Онтарио штаты, Канадада жайгашкан.

“Центерра” жөнүндө кошумча маалымат SEDAR www.sedar.com сайтында жана компаниянын www.centerragold.com сайтында жеткиликтүү жайгаштырылган, ошол эле жерден 2013-жылдын жыйынтыктары боюнча пресс-релиздин толук тексти менен таанышууга болот.”Кумтөр” компаниясы жөнүндө маалымат www.kumtor.kg сайтында жеткиликтүү.