МЕДИЦИНАЛЫК БӨЛҮМҮНӨ ЭКИ ЖЫЛДЫК ТАКШАЛМА ӨТҮҮ ҮЧҮН ТАНДОО

Жарыяланган: 29 April 2026

ТАПШЫРУУНУН АКЫРКЫ МӨӨНӨТҮ: 2026-жылдын 14-майы, саат 16:00 (Бишкек убактысы боюнча).

“Кумтөр Голд Компани” ЖАКнун медициналык бөлүмүнө эки жылдык такшалма программасынан өтүү үчүн ЖОЖдордун бүтүрүүчүлөрүн тандоо жүргүзөт. Программага Кыргыз Республикасынын жарандары гана катыша алышат.

Талаптар:

• Медициналык билим;
• Компьютерди ишенимдүү колдонуу, Microsoft Office, Google Docs, Zoom программаларын билүү;
• Демилгелүүлүк жана жаңы нерселерди үйрөнүүгө умтулуу;
• Аткаруучулук жана тартиптүүлүк;
• Тактык жана командада иштей билүү;
• Эмгек ишмердүүлүгүн аткарууга медициналык жактан жарамдуу болуп, жакшы физикалык формага ээ болуу.

Милдеттер:

• Ар кандай медициналык документацияны жүргүзүү;
• Вахтага чейинки жана жыл сайын өткөрүлүүчү медициналык кароолор боюнча документацияны жүргүзүү;
• КГКнын кызматкерлерине баштапкы, жылдык жана кезексиз медициналык кароолордон өтүү учурунда алынган медициналык сунуштар боюнча документтерди жүргүзүү жана көзөмөлдөөдө дарыгерлерге жардам көрсөтүү;
• Убактылуу эмгекке жарамсыздык боюнча баракчаларды каттоо жана көзөмөлдөө;
• Рейске чыгар алдындагы медициналык кароолорду жүргүзүү;
• “КГК” ЖАКнун кызматкерлерине алгачкы медициналык жардам көрсөтүү.

Такшалманын шарттары:

• Акы төлөнүүчү такшалма
• Такшалманын узактыгы – 2 жыл
• Такшалманын орду – Бишкек шаарындагы кеңсе
• Такшалманын графиги – 5/2

Тандоого катышуу үчүн төмөнкүлөр керек:

• Анкетаны толтуруп, бардык керектүү документтерди 2026-жылдын 14-майында 16.00дөн кечиктирбестен шилтеме аркылуу өтүп тиркеңиз.

Тестирлөөгө жана маектешүүгө эң ылайыктуу талапкерлер гана чакырылат.