МАТЕРИАЛДЫК-ТЕХНИКАЛЫК КАМСЫЗДОО БӨЛҮМҮНҮН КЫЗМАТТАРДЫ САТЫП АЛУУ ТОБУНА ЭКИ ЖЫЛДЫК ТАКШАЛМА ӨТҮҮ ҮЧҮН ТАНДОО

Жарыяланган: 17 April 2026

ТАПШЫРУУНУН АКЫРКЫ МӨӨНӨТҮ: 29.04.2026, 16:00го чейин.

“Кумтөр Голд Компани” ЖАКу жогорку окуу жайлардын бүтүрүүчүлөрү арасында материалдык-техникалык камсыздоо бөлүмүнүн кызматтарды сатып алуу тобуна эки жылдык такшалма өтүү үчүн тандоо жүргүзөт. Программага Кыргыз Республикасынын жарандары гана катыша алышат.

Талаптар:

• Юридикалык же экономикалык багыттагы аякталган жогорку билим;
• Компьютер жана кеңсе программалары (MS Office, Excel) менен иштей билүү;
• Сатып алууларды эсепке алуу үчүн корпоративдик программалар жана системалар менен иштөө көндүмдөрү (артыкчылык бирок милдеттүү эмес);
• Жакшы коммуникативдик көндүмдөр жана командада иштей билүү;
• Жоопкерчилик, деталдарга көңүл буруу жана үйрөнүүгө жөндөмдүүлүк;
• Сатып алуулар боюнча стандарттарды жана жол‑жоболорду билүү артыкчылык болуп саналат;
• Стресске туруктуулук жана коммуникабелдүүлүк, чоң көлөмдөгү маалыматтарды талдап жана алар менен иштей билүү;
• Аналитикалык ой жүгүртүү жана кылдаттык.

Милдеттери:

• Жабдуучулар жана сатып алуу тапшырмалары боюнча маалыматтарды корпоративдик программага жана системаларга киргизүү жана жаңыртуу;
• Товарларды жана кызматтарды сатып алууга өтүнмөлөрдү даярдоого катышуу;
• Компаниянын муктаждыктарына ылайык материалдарды жана кызматтарды сатып алууга өтүнмөлөрдү даярдоо, тариздөө жана жөнөтүү;
• Товарлар жана кызматтар боюнча жеткирүү шарттарын, мөөнөттөрүн жана бааларын тактоо;
• Жабдуучулардан коммерциялык сунуштарды алуу үчүн сурамдарды даярдоо жана алардан алынган сунуштарды талдоо;
• Коммерциялык сурамдарды даярдоодо көмөк көрсөтүү;
• Кабыл алынган сунуштарды талдоо жана салыштырма талдоосунда баалары менен шарттары боюнча отчетторду түзүү;
• Жабдуучулар менен ички колдонуучулардын өз ара байланышын кубаттоо;
• Компаниянын муктаждыктарын камсыз кылуу жана үзгүлтүксүз жеткирүүлөрдү камсыздоо максатында жабдуучулар менен ички колдонуучулардын ортосундагы өз ара аракеттенүүнү координациялоо;
• Келишимдердин шарттарын даярдоого жана макулдашууга катышуу;
• Жабдуучулар менен келишимдерди түзүү процесстерин коштоо;
• Төлөм тапшырмаларын жана келишимдерди архивдөө.

Такшалма шарттары:

• Акы төлөнүүчү такшалма
• Такшалма мөөнөтү – 2 жыл
• Такшалма өтүү жери – Бишкек ш. кенсе
• Такшалма графиги – 5/2

Тандоого катышуу үчүн:   

• 2026-жылдын 29-апрелинде саат 16:00 кечикпестен, шилтеме аркылуу өтүп, анкетаны толтуруп, ага бардык керектүү документтерди тиркөө керек.

Тестирлөөгө жана маектешүүгө эӊ ылайыктуу талапкерлер гана чакырылат.