“Кумтөр” компаниясынын 2015-жылдагы өндүрүштүк ишмердүүлүгүнүн негизги жыйынтыктары

Жарыяланган: 16 March 2016

Негизги өндүрүштүк жана финансылык көрсөткүчтөр

2015-жылы “Кумтөр” кен ишканасында 520 694 унция* же 16 195,4 кг алтын өндүрүлгөн. Сатып өткөрүлгөн продукциянын көлөмү 520 517 унцияны же 16 189,9 кг алтынды түзгөн.
Жылдын жыйынтыктары боюнча сатып өткөрүүдөн алынган жалпы каражат 604,5 млн долларды** түзгөн. Негизги өндүрүштүк жана финансылык көрсөткүчтөр төмөнкү таблицада келтирилген:

* – Маалымат үчүн: троялык унция = 31,10348 грамм.

** – Башкасы көрсөтүлбөсө, бардык акчалай суммалар АКШ долларында келтирилген.

*** – Тегеректелген суммаларда айырма болушу мүмкүн

**** – «Түзөтүлгөн операциялык жумшоолор», «Өндүрүштү колдоп турууга жалпы жумшоолор», салыктарды эсепке алган жана албаган «Бардык жумшоолор», доллар менен сатып өткөрүлгөн бир унцияга, «Сатып өткөрүлгөн продукциянын орточо баасы» менен «Сатып өткөрүлгөн продукциянын өздүк наркы» сатылган унцияга кайра эсептөөлөрдөгү, Капиталдык жумшоолор (негизги фонддорду колдоп турууга жана өнүктүрүүгө) Бухгалтердик эсептин (GAAP) жалпы кабыл алынган көрсөткүчтөрү болуп саналбайт жана «Центерранын» пресс-релизинде «GAAPта колдонулбаган көрсөткүчтөр».

Кыргыз Республикасынын бюджетине төлөмдөр жана башка милдеттүү которуулар

2015-жылдын 12 айында компаниянын Кыргыз Республикасынын бюджетине салыктар, Кыргыз Республикасынын Социалдык фондусуна которуулар, ошондой эле башка милдеттүү төлөмдөр түрүндөгү которуулары 123 млн доллардан ашкан, бул Кыргыз Республикасынын Улуттук банкынын 2015-жылдагы 31-декабрына карата курсу боюнча 9 миллиард 373 миллиондой сомду түзөт.

Эскертүү: 2009-жылдын 24-апрелиндеги “Кумтөр” долбоору боюнча жаңы шарттар жөнүндө макулдашууга ылайык, дүң кирешеге салыкты жана Ысык-Көл областын өнүктүрүү фондусуна взносторду эсептөө үчүн база катарында көрсөтүлгөн мезгилге продукцияны сатуудан иш жүзүндөгү акчалай түшүүлөр саналат

Кыргыз Республикасынын аймагындагы төлөмдөр

2015-жылы Кыргыз Республикасынын аймагындагы төлөмдөр (салыктар, аффинаж үчүн төлөм, товарлар жана кызматтар алынган үчүн жергиликтүү ишканаларга төлөмдөр, инфраструктура боюнча төлөмдөр, кайрымдуулук ж.б. кошуп эсептелгенде) 256 млн доллардан ашкан. Жалпысынан компания иштеген 1994-2015-жж. аралыгындагы Кыргызстан аймагындагы төлөмдөр 2 миллиард 964 миллион доллардан ашкан..

Компаниянын өндүрүштүк ишмердүүлүгүнүн Кыргыз Республикасынын макроэкономикалык көрсөткүчтөрүнө таасири

Кыргыз Республикасынын Улуттук статистика комитетинин алдын-ала маалыматы боюнча:

– Кумтөрдүн» өлкө ИДПсындагы 2015-жылдагы үлүшү 6,8%;
– «Кумтөрдүн» өнөр-жай өндүрүшүнүн жалпы көлөмүндөгү үлүшү 22,5%;
– • Экспорттун жалпы көлөмүндөгү алтындын үлүшү 2015-ж. 39,7%ды түздү.

Комментарий

«Кумтөр Голд Компани» президенти Даниэль Дежарден компаниянын 2015-жылдагы ишмердүүлүк жыйынтыктарына: «Мен 2015-жылдын өндүрүштүк пландары ийгиликтүү аткарылганын билдирүүгө кубанычтамын. Алтын өндүрүүнүн басымдуу көлөмү төртүнчү чейрекке туура келген өткөн жылдарга салыштырмалуу, 2015-жылы алтын өндүрүү чейрек сайын текши болуп, пландык көрсөткүчтөр ашыгы менен аткарылды.

Алдын ала эсептөөлөргө ылайык 2016-жылы “Кумтөр” кенинде өндүрүштүн көлөмү 480-530 миң унция же 14,9-16,5 тонна чамасындагы алтынды түзмөкчү. Компания 2016-жылы өндүрүш көлөмүнүн өсүшүн жылдын экинчи жарымында, алтынга бай рудалуу Борбордук карьердин SB зонасына чыгуу менен күтүүдө» деп комментарий берди.

2016-жылга прогноз

Жалпы капиталдык чыгымдар, кыртыш ачуу иштерине чыгымдарды алып салгандан кийин, 2016-жылы 110 млн долларды түзүүгɵ тийиш. Негизги фондуларды модернизациялоого**** 84 млн доллар өлчөмүндөгү жумшоолор негизинен ири масштабдуу оор жүк ташуучу тоо-кен техниканы жаңыртып жабдуу (69 млн доллар); калдыктар чарбасындагы дамбадагы курулуш иштери (6 млн доллар) жана башка статьялар (9 млн доллар) менен байланыштуу.
Кумтөр кенин өнүктүрүүгө капиталдык жумшоолорго**** 2016-жылы 26 млн доллар пландалып, карьердин кеңейиши менен айрым инфраструктура объектилерин көчүрүүгө (17 млн доллар), суу сордуруу иштерине (6 млн доллар) жана башка статьяларга (3 млн доллар) байланыштуу жумшоолорду камтыйт.
Кыртыш ачуу иштерин капиталдаштыруу карьерди иштетүүгɵ байланыштуу 2016-жылдагы жалпы кыртыш ачуу иштерин капиталдаштырууга каралган 162 млн доллар өлчөмүнөн 122 млн долларды түзмөкчү.

● ● ●

“Кумтөр” кен ишканасы Кыргыз Республикасында жайгашкан, Борбордук Азиядагы батыш компаниясы тарабынан башкарылуучу эң ири алтын кен ишканасы болуп саналат. 1997-жылдын майында өнөр жайлык өндүрүш башталгандан 2015-жылдын 31-декабрына чейин “Кумтөрдө” жалпысынан 10,42 млн. унция же 324,1  тонна алтын өндүрүлгөн.

“Кумтөр Голд Компани” “Кумтөр” долбоорунун оператору болуп саналат жана бүтүндөй өндүрүштүк цикл үчүн жоопкерчилик тартат.

“Центерра Голд Инк.” өнүгүүгө багытталган Азияда, Канадада жана дүйнөнүн башка өлкөлөрүндө алтын кендерин алуу, чалгындоо, кайра иштетүү жана эксплуатациялоо менен алектенген, алтын өндүрүүчү компания. “Центерра” түндүк америкалык алдыңкы алтын өндүрүүчү жана Борбордук Азиядагы ири алтын өндүрүүчү батыш компаниясы. “Центерранын” жөнөкөй акциялары Торонто фондулук биржасында (TSX) CG символу астында жүгүртүлөт. Компания Торонто шаары, Онтарио штаты, Канадада жайгашкан.

“Центерра” жөнүндө кошумча маалымат SEDAR www.sedar.com сайтында жана компаниянын www.centerragold.com сайтында жеткиликтүү жайгаштырылган, ошол эле жерден 2013-жылдын жыйынтыктары боюнча пресс-релиздин толук тексти менен таанышууга болот.”Кумтөр” компаниясы жөнүндө маалымат www.kumtor.kg сайтында жеткиликтүү.