ИНЖЕНЕРДИК-ГЕОЛОГИЯЛЫК БӨЛҮМҮНӨ ЭКИ ЖЫЛДЫК ТАКШАЛМА ӨТҮҮ ҮЧҮН ТАНДОО

Жарыяланган: 02 June 2026

ТАПШЫРУУНУН АКЫРКЫ МӨӨНӨТҮ: 2026-жылдын 8-июну, саат 14:00 (Бишкек убактысы боюнча).

“Кумтөр Голд Компани” ЖАК жогорку окуу жайлардын бүтүрүүчүлөрү арасында инженердик-геологиялык бөлүмүнө эки жылдык такшалма өтүү үчүн тандоо өткөрөт.

Программага Кыргыз Республикасынын жарандары гана катыша алышат.

Талаптар:

• «Тоо-кен иши» адистиги боюнча жогорку билим;
• Инженердик геология боюнча негизги билим;
• MS Office (Excel, Word) жана AutoCAD программаларын ишенимдүү деңгээлде билүү;
• Деталдарга көңүл буруу жана аналитикалык жөндөмдөр;
• Алынган билимге ылайык кесиптик жөндөмдөрдү өздөштүрүүгө умтулуу;
• Англис тилин билүү артыкчылык болуп эсептелет;
• Окууга даярдык жана чоң көлөмдөгү маалымат менен иштөө жөндөмдүүлүгү. 

Милдеттер:

• Инженердик-геологиялык маалыматтарды чогултууга жана системалаштырууга катышуу;
• Геологиялык маалыматты иштеп чыгууга жана талдоого көмөк көрсөтүү;
• Отчеттук документтерди даярдоо жана тариздөө;
• Картографиялык жана техникалык материалдар менен иштөө;
• Жардыруу иштеринин негизги түшүнүктөрү менен таанышуу;
• Инженерлердин долбоорлор боюнча иштери, инфраструктура объектилеринин схемалык чиймелери менен таанышуу;
• Геологдордун жана гидрогеологдордун иштери менен таанышуу;
• Бөлүмдүн адистеринин учурдагы долбоорлорунун алкагында берилген тапшырмаларды аткаруу.

Такшалма шарттары:

• Акы төлөнүүчү такшалма
• Такшалма мөөнөтү – 2 жыл
• Такшалма өтүү жери – Бишкек ш. кенсе
• Такшалма графиги -5/2

Тандоого катышуу үчүн:

2026-жылы 8-июнда саат 14.00 кечикпестен шилтеме менен өтүп, анкетаны толтуруп, ага бардык керектүү документтерди тиркеп жиберүү керек.

Тестирлөөгө жана маектешүүгө эӊ ылайыктуу талапкерлер гана чакырылат.