БУРОО ЖАНА АГА БАЙЛАНЫШТУУ ИШТЕРДИН КОМПЛЕКСИН АТКАРУУ БОЮНЧА

БУРОО ЖАНА АГА БАЙЛАНЫШТУУ ИШТЕРДИН КОМПЛЕКСИН АТКАРУУ БОЮНЧА

Жарыяланган: 20 October 2025

СУНУШТАРДЫ ТАПШЫРУУНУН АКЫРКЫ МӨӨНӨТҮ: 2025-жылдын 29-октябры, Бишкек убактысы боюнча саат 14:00 чейин.

«Кумтор Голд Компани» ЖАК буроо жана ага байланыштуу иштердин комплексин аткарууга чексиз катышуусу менен эки пакеттүү сынакка катышууга чакырат.

Тапшыруу форматы: Катышуу үчүн сунуш жана башка документтер сунушка жана келишим боюнча милдеттенмелерге кол коюу укугу бар адам тарабынан кол коюлушу керек. Документтер мөөр менен бекитилип, PDF форматында тапшырылышы зарыл. Кол коюу укугу ыйгарым укук берүүчү кат же тиешелүү документтердин нотариалдык күбөлөндүрүлгөн көчүрмөлөрү менен тастыкталышы керек.
Сунуштарды берүү тартиби

 

 Сынактын катышуучулары катышуу үчүн сунушту орус тилинде сынактын талаптарына ылайык, керектүү документтердин көчүрмөсүн тиркеп жана аларды электрондук түрдө burenie2025@kumtor.kg электрондук дарегине 2015-жылдын 29-октябрь күнү саат 14:00 чейин тапшырууга милдеттүү.

Техникалык тапшырма ушул сынактык документацияга тиркелген.

Катышуучу Тапшыруучу тарабынан берилген Техникалык тапшырмага ылайык сунуштун баасын камтыган коммерциялык сунушту берүүгө милдеттенет.
Маанилүү!!! Катышуу катынын (сунуштун) көлөмү 25 МБдан ашпашы керек.
Эгерде тиркемелердин көлөмү 25 МБдан ашып кетсе, сынактык сунуш бөлүктөргө бөлүнүшү керек жана бул тууралуу каттын темасында көрсөтүлүшү зарыл:

1. «Квалификациялык жана техникалык сунуштар (катышуучунун аты)» 1-бөлүк

2. «Квалификациялык жана техникалык сунуштар (катышуучунун аты)» 2-бөлүк ж.б.

Документтерди булут сактагычтарга жүктөө аркылуу жөнөтүү сунушталбайт, анткени булут сактагычтардагы документтерди жүктөө шилтемелеринин мөөнөтү чектелген.

Катышуучунун сынактык сунушу эки документтик пакетке бөлүнүшү керек.

Документтердин биринчи пакети:

1. Катышуучунун квалификациялык жана техникалык сунуштары.

Сынактык сунуштун баасы же сунуштун наркын ачып бере турган ар кандай маалыматтарды биринчи пакеттеги документтерде көрсөтүүгө жол берилбейт. Эгерде катышуучу биринчи пакетте өз сунушунун баасын көрсөтсө, анын сынактык сунушу четке кагылат.

Документтердин экинчи пакети:

2. Каттын темасында төмөндөгүлөрдү чагылдыруу зарыл:

«Сунуштун наркы (катышуучунун аты)»

Катышуучунун катында камтылган маалыматтар сырсөз менен шифрлениши керек. Эгерде катышуучу баалоонун биринчи этабынан өтсө, сырсөз суралат.

·         Катышуучунун баа сунушу Чакыруунун №1-тиркемесине ылайык форма боюнча так толтурулушу керек.

·         Эгерде катышуучу баа сунушун Чакыруунун №1-тиркемесинде белгиленген формага ылайык эмес түрдө жөнөтсө, анын арызы четке кагылат.

·         Жеңүүчү деп кызмат көрсөтүүнүн баа/сапат/мөөнөт катышы боюнча эң жакшы шарттарды сунуштаган жана Техникалык тапшырманын шарттарына ылайык сынактык өтүнмө берген катышуучу таанылат.

·         Сынакка катышуучу көрсөткөн жумуштун баасы Кыргыз Республикасынын мыйзамдарына ылайык алынуучу бардык чыгымдарды, анын ичинде салыктарды, бажы төлөмдөрүн, жыйымдарды жана башка төлөмдөрдү, ошондой эле келишимдик милдеттенмелерди аткарууга байланыштуу чыгымдарды, тейлөө мөөнөтүн жана Келишимде көрсөтүлгөн кошумча кызматтарды эске алуу менен камтууга тийиш.
Сынакка катышуу үчүн өтүнмө төмөнкү документтерди камтышы керек: Катышууга кызыкдар экендигин тастыктаган кат;
Акыркы 3 жыл ичинде окшош иштерди аткарган подряддык уюмдун тажрыйбасы. (аткарылган келишимдердин көчүрмөлөрүн, аткарылган иштер боюнча актылардын көчүрмөлөрүн тиркөө керек)
Иштерди аткаруу үчүн зарыл болгон материалдык базанын бар экендигин тастыктоо.
Техникалык тапшырманын талаптарына жооп берген иштелип чыккан жана сунушталган жооп.
Сынактык сунуштун аткарылышына кепилдик берген декларация.
Юридикалык жак катары катталгандыгын тастыктаган күбөлүктүн сканерленген көчүрмөсү;
Негизги ишмердүүлүк түрүн аныктаган документтин (Устав) жана жетекчи катары дайындалгандыгы тууралуу чечимдин сканерленген көчүрмөсү;
Салык төлөмдөрү жана камсыздандыруу төгүмдөрү боюнча карыздар жок экендиги тууралуу акыркы отчеттук күнгө карата маалымкат.
2023–2024-жылдар үчүн каржылык отчеттордун сканерленген көчүрмөлөрү:

·      Бухгалтердик баланс;

·      Киреше жана чыгаша боюнча отчет;

·      Акча каражаттарынын кыймылы боюнча отчет;

·      Капиталдагы өзгөрүүлөр боюнча отчет.

·      Же болбосо 2023–2024-жылдар үчүн Бирдиктүү Салык Декларациясы.
Баалоо критерийлери: ·         Тандоодон өткөн деп бардык квалификациялык талаптарга жооп берген жана суралган документтердин толук топтомун тапшырган сунуш таанылат.

·         Сынактык арзга кепилдик милдеттенме  (САКМ) — сынактык документацияда жеткирүүчүгө коюлган талаптарда каралган милдеттенмелерди аткарууну камсыздоо үчүн сынактын жеңүүчүсү тарабынан Декларация түрүндө расмийленет.
«Буроо иштери» темасы көрсөтүлгөн сунуштарды burenie2025@kumtor.kg электрондук дарегине 2025-жылдын 29-октябрь күнү, саат 14:00гө чейин жөнөтүү керек.
Тапшырыкчы Келишимди ыйгарууга чейин каалаган сунушту же бардык сунуштарды кабыл алууга же четке кагууга, ошондой эле тандоо процессин каалаган убакта токтотууга укуктуу жана бул үчүн тиешелүү катышуучулар алдында эч кандай милдеттенмелерди албайт.
Сынактык сунуш расмий бланкта даярдалышы керек.
Көрсөтүлгөн мөөнөттөн кеч тапшырылган сынактык сунуштар кабыл алынбайт жана каралбайт.

Өзүнүн сунушун тапшыруу менен катышуучу Компаниянын талаптарында көрсөтүлгөн бардык шарттарга макул экендигин билдирет.

Ар бир катышуучу тандоого бир гана сынактык сунуш бере алат.

Сынактык сунуштун жарактуулук мөөнөтү кеминде 60 календардык күн болушу керек.

Сынактык сунуштун жарактуулук мөөнөтү ичинде сунуштарга өзгөртүүлөрдү киргизүүгө жол берилбейт.
Тандоодон өткөн катышуучу келишимге кол коюудан мурун келишимдин аткарылышын кепилдеген декларацияны берүүгө милдеттүү.
Эгерде аванс төлөмү каралса, сынактын жеңүүчү компаниясы аванс төлөмүнүн өлчөмүнөн кем эмес суммада банктык кепилдик берүүгө милдеттүү.
Бул сынак боюнча бардык суроолор adilet.turganbaev@kumtor.kg электрондук дарегине жөнөтүлүшү керек.
Тандоонун шарттарын тактоо боюнча суроолор сунуштарды тапшыруунун акыркы мөөнөтүнөн 3 календардык күн мурун жөнөтүлүшү керек.

 

Тиркемелер:

  1. Техникалык тапшырма
  2. Ак ниеттүүлүк декларациясы
  3. Сынактык сунуштун аткарылышына кепилдик берген декларация
  4. Келишимдин аткарылышына кепилдик берген декларация
  5. Чакырууга №1 Тиркеме (баа сунушунун формасы)
  6. Сынактык сунуштарды даярдоо боюнча нускама
  7. Типтүү келишим