АВТОМОБИЛЬ КРАНДАРЫ МЕНЕН ЖҮК ЖҮКТӨӨ-ТҮШҮРҮҮ ИШТЕРИН ЖҮРГҮЗҮҮДӨ ЖҮКТӨРДҮ БАЙЛОО, ИЛИП-БЕКИТҮҮ, БЕКЕМДӨӨ ЖАНА ЖЫЛДЫРУУ (СТРОПАЛЬЩИК) ИШТЕРИН АТКАРУУ БОЮНЧА КЫЗМАТ КӨРСӨТҮҮ (КЫЗМАТ КӨРСӨТҮҮ КЕЛИШИМИНИН НЕГИЗИНДЕ)

АВТОМОБИЛЬ КРАНДАРЫ МЕНЕН ЖҮК ЖҮКТӨӨ-ТҮШҮРҮҮ ИШТЕРИН ЖҮРГҮЗҮҮДӨ ЖҮКТӨРДҮ БАЙЛОО, ИЛИП-БЕКИТҮҮ, БЕКЕМДӨӨ ЖАНА ЖЫЛДЫРУУ (СТРОПАЛЬЩИК) ИШТЕРИН АТКАРУУ БОЮНЧА КЫЗМАТ КӨРСӨТҮҮ (КЫЗМАТ КӨРСӨТҮҮ КЕЛИШИМИНИН НЕГИЗИНДЕ)

Жарыяланган: 03 July 2026

ТАПШЫРУУНУН АКЫРКЫ МӨӨНӨТҮ: 2026-жылдын 10-июлу, саат 14:00 (Бишкек убактысы боюнча).

ЭКИ ПАКЕТТҮҮ ЧЕКТӨӨСҮЗ СЫНАККА КАТЫШУУГА ЧАКЫРУУ

САТЫП АЛУУ ПРЕДМЕТИ: Автомобиль крандары менен жүк жүктөө-түшүрүү иштерин жүргүзүүдө жүктөрдү байлоо, илип-бекитүү, бекемдөө жана жылдыруу (стропальщик) иштерин аткаруу боюнча кызмат көрсөтүү (кызмат көрсөтүү келишиминин негизинде).

Буюртмачы: «Кумтөр Голд Компани» ЖАК (мындан ары — «КГК») сиздерди төмөнкү кызматтарды көрсөтүү боюнча сынакка катышууга чакырат: автомобиль крандары менен жүк жүктөө-түшүрүү иштерин жүргүзүүдө жүктөрдү байлоо, илип-бекитүү, бекемдөө жана жылдыруу (стропальщик) иштерин аткаруу.

Квалификациялык иш-кагаздарды тапшыруунун негизги талаптары:

  • Иш-кагаздар PDF форматында берилиши керек.
  • Иш-кагаздар stropalschik2026@kumtor.kg электрондук дарегине 2026-жылдын 10-июлу, саат 14:00ге чейин (Бишкек убактысы боюнча) жөнөтүлүшү керек.
  • Бир электрондук каттын көлөмү 25 MB ашпоого тийиш.

Тапшыруу үчүн зарыл иш-кагаздар:

  • Толтурулган №1 тиркеме (Ак ниеттүүлүк декларациясы жана коррупцияга каршы жобо).
  • Толтурулган №2 тиркеме (Сынактык өтүнмөнү кепилдеген декларация).
  • Толтурулган №3 тиркеме (Катышуучунун анкетасы).
  • Толтурулган №4 тиркеме (Коммерциялык сунуш).
  • Паспорттун/ID-картанын сканерленген көчүрмөсү.
  • Жеке ишкердин мамлекеттик каттоодон өткөндүгү жөнүндө күбөлүк жана салык карызы жоктугу тууралуу маалымкат. ЖИ мамлекеттик каттоо күбөлүгү жок болгон учурда ЖИ катары милдеттүү түрдө катталуу жөнүндө кепилдик кат берилүүгө тийиш.
  • Акыркы 3 (үч) айдан эрте эмес берилген соттолбогондугу тууралуу маалымкат. Эгер маалымкат «Түндүк» тиркемеси аркылуу берилсе, анын колдонуу мөөнөтү түзүлгөн күндөн тартып 30 (отуз) күндү түзөт.
  • Тиешелүү күбөлүктөр (тиркемелердеги техникалык тапшырмаларга ылайык).
  • Квалификацияны тастыктаган башка сертификаттар жана иш-кагаздар.

Квалификациялык иш-кагаздарды тапшыруунун кошумча талаптары:

  • Сынактын катышуучулары сынак талаптарына ылайык катышуу өтүнмөсүн орус тилинде даярдап, көрсөтүлгөн электрондук почтага жөнөтүшү керек.
  • Тандоо алкагында берилген бардык иш-кагаздар купуя маалымат катары каралат.
  • Өз сунушун берүү менен катышуучу Компаниянын талаптарында көрсөтүлгөн бардык шарттарга макулдугун билдирет.

Иш-кагаздарды эки өзүнчө пакетте тапшыруу тартиби:

Катышуучулар иш-кагаздарды эки өзүнчө пакетте беришет, мында эки пакет тең жогоруда көрсөтүлгөн электрондук почтага бир убакта жөнөтүлөт:

  • №1 Пакет — квалификациялык жана техникалык сунуштар (парольсуз берилет).
  • №2 Пакет — коммерциялык сунуш (1 саат үчүн нарк милдеттүү түрдө көрсөтүлөт; иш-кагаз пароль менен корголушу керек, пароль катышуучу тарабынан буюртмачынын суроосу боюнча жөнөтүлөт).
  • КГК кошумча тастыктоочу иш-кагаздарды суроого же берилген маалыматты текшерүүгө укуктуу. Так эмес маалыматтар аныкталган учурда өтүнмө четке кагылат.
  • Бул чакыруу боюнча суроолор болсо, катышуучу aknazar.kabylbekov@kumtor.kg электрондук дареги аркылуу түшүндүрмө алуу үчүн кайрыла алат, бирок квалификациялык иш-кагаздарды тапшыруунун акыркы мөөнөтүнө чейин 3 жумуш күндөн кечиктирбестен. Түшүндүрмөлөр суроо-талап алынган электрондук почтага суроо-талап алынган учурдан тартып 3 (үч) календардык күндөн кечиктирилбестен жөнөтүлөт.
  • Иш-кагаздарды тапшыруу мөөнөтү аяктагандан кийин катышуучулар өзгөртүүлөрдү же толуктоолорду киргизе алышпайт.
  • Белгиленген мөөнөттөн кийин берилген сынактык сунуштар кабыл алынбайт жана каралбайт.

КГК талаптарга жооп бербеген каалаган өтүнмөнү четке кагуу укугун өзүндө калтырат. Иш-кагаздарды тапшыруу сатып алуу жол-жобосунун кийинки баскычтарына катышууга кепилдик бербейт.

Эгерде бул чакырууга өзгөртүүлөр киргизилсе, Буюртмачы квалификациялык иш-кагаздарды тапшыруунун акыркы мөөнөтүн кийинки күнгө жылдыра алат. Бул тууралуу маалымат конкурс жарыяланган Буюртмачынын расмий сайтында жарыяланат: https://www.kumtor.kg/ru/.

МААНИЛҮҮ!!! (ИШ-КАГАЗДАРДЫ КОНВЕРТТЕР МЕНЕН ТАПШЫРГАНДА)

Аткаруучу иш-кагаздарды төмөнкүдөй тапшыра алат:

Электрондук түрдө stropalschik2026@kumtor.kg дарегине жана/же мөөр басылган конверттерде. Электрондук каттын темасында иш-кагаздар кайсы кызматка берилип жатканын милдеттүү түрдө көрсөтүү зарыл.

Конверттерге коюлган талаптар:

  • №1 Пакет (квалификациялык иш-кагаздар) — өзүнчө конвертте.
  • №2 Пакет (коммерциялык сунуш) — өзүнчө конвертте.
  • Ар бир конвертте аты-жөнү, тапшырылган датасы жана аткаруучу иш-кагазда тапшырып жаткан кызмат милдеттүү түрдө көрсөтүлүшү керек.

⚠️ Электрондук каттын темасында аты-жөнү жана кызмат көрсөтүлбөгөн каттар каралбайт.

КОНВЕРТТЕРДИ КАБЫЛ АЛУУ ПУНКТТАРЫ

Башкы кеңсе (Бишкек ш.): 720031, Кыргыз Республикасы, Бишкек ш., Ибраимов көч., 24.

Аймактык кеңсе (Каракол ш.): 772206, Кыргыз Республикасы, Каракол ш., Элебаев көч., 150.

 

БАРДЫК ТИРКЕМЕЛЕР