IDS GEORADAR ӨНДҮРҮШҮНДӨГҮ IBIS-FM ЖАНА IBIS ARCSAR ГЕОРАДАРЛАРЫН ТЕХНИКАЛЫК КОЛДОО БОЮНЧА КЫЗМАТТАРДЫ КӨРСӨТҮҮ

IDS GEORADAR ӨНДҮРҮШҮНДӨГҮ IBIS-FM ЖАНА IBIS ARCSAR ГЕОРАДАРЛАРЫН ТЕХНИКАЛЫК КОЛДОО БОЮНЧА КЫЗМАТТАРДЫ КӨРСӨТҮҮ

Жарыяланган: 08 October 2026

КОНКУРСТУК АРЫЗДАРДЫ ТАПШЫРУУ МӨӨНӨТҮ: 2026-жылдын 16-октябры, саат 17:00 чейин (Бишкек убактысы боюнча).

«Кумтөр Голд Компани» ЖАК IDS GeoRadar өндүрүшүндөгү IBIS-FM жана IBIS ArcSAR георадарларын техникалык колдоо боюнча кызматтарды көрсөтүүгө чектөөсүз катышуу менен эки топтомдук ыкма аркылуу өткөрүлүүчү конкурска катышууга чакырат.

Тапшыруу форматы: Конкурстук табыштамага жана башка документтерге конкурстук сунушка кол коюуга укуктуу жана келишим боюнча милдеттенмелери бар адам кол коюшу керек. Документтер мөөр басылып, PDF форматында тапшырылышы керек. Кол коюучу тараптын ыйгарым укугу ишеним кат же тиешелүү документтердин тастыкталган көчүрмөлөрү менен тастыкталышы керек.

Конкурстук сунушту даярдоодон мурун, катышуучу  конкурстук табыштаманы даярдоо боюнча Нускаманы (Жеткирип берүүчүлөр үчүн) (1-Тиркеме) менен таанышып чыгышы керек.
Сунуштарды тапшыруу тартиби Конкурска катышуучулар конкурстун талаптарына ылайык орус тилдеринде катышуу сунушун тапшырып, керектүү документтердин көчүрмөлөрүн тиркеп, электрондук почта [email protected]  дарегине электрондук почта аркылуу 2026-жылдын 16-октябры Бишкек убактысы боюнча саат 17:00гө  чейин жөнөтүшү керек.

Конкурс эки баскычта өтөт жана ар бир баскыч үчүн эки өзүнчө кат жазуу талап кылынат:

Биринчи кат (биринчи баскыч үчүн) квалификациялык жана техникалык бөлүгүн тастыктаган документтер менен берилет. Темасында “Квалификациялык документтер” деп көрсөтүңүз;

Экинчи кат (экинчи баскыч үчүн) каржылык сунуш менен берилет. Темасында “Каржылык сунуш” деп көрсөтүңүз.

Техникалык тапшырмалар тиркелет:

IDS GeoRadar өндүрүшүндөгү IBIS-FM жана IBIS ArcSAR георадарларын техникалык колдоо боюнча кызматтарды көрсөтүү (8-тиркеме).
1-баскыч: Квалификациялык жана техникалык бөлүк
Катышуу сунушу төмөнку документтерди камтышы керек: Резиденттер үчүн:

Конкурска катышууга кызыкдар экенин тастыктаган кат, табыштаманын формасы тиркелген (2-Тиркеме);
Юридикалык жактын каттоо күбөлүгүнүн сканерленген көчүрмөсү;
Негизги ишмердүүлүктү аныктаган документтин сканерленген көчүрмөсү (Устав), ошондой эле жетекчини дайындоо жөнүндө чечимдин сканерленген көчүрмөсү;
2024-2025-жылдардагы финансылык отчеттордун  түп нускасынын  сканерленген көчүрмөлөрү:

·      Бухгалтердик баланс;

·      Киреше жана чыгым тууралуу отчет;

·      Акча агымы боюнча отчет;

·      Капиталдагы өзгөрүүлөр тууралуу отчет;

·      Же 2024-2025-жылдар үчүн Бирдиктүү Салык Декларациясы.
Мурда аткарылган келишимдер боюнча сунуштамалар жана пикирлер;
Ак ниеттүүлүк декларациясы, табыштаманын формасы тиркелген (3-тиркеме);
Конкурстук табыштаманы кепилдеген декларация, формасы тиркелген (4-тиркеме);
Кызматкерлер тууралуу маалымат, алардын мурунку жумуш тажрыйбасы тууралуу баяндама, формасы тиркелген (5-тиркеме);
Мурда аткарылган иштердин кыскача баяндамасы жана сунуштамалары менен ишкер өнөктөштөрдүн тизмеси. Формасы тиркелген (№ 5 тиркеме).
Резиденттер эмес үчүн:

 

 – Конкурска катышууга кызыкдар экенин тастыктаган кат, табыштаманын формасы тиркелген (2-Тиркеме)

– Юридикалык жактын каттоо күбөлүгүнүн сканерленген көчүрмөсү

– Негизги ишмердүүлүктү аныктаган документтин сканерленген көчүрмөсү (Устав)

– Жетекчини дайындоо жөнүндө чечимдин сканерленген көчүрмөсү

– 2023–2025-жылдар боюнча каржылык туруктуулукту тастыктаган документ

– Мурда аткарылган келишимдер боюнча сунуштамалар жана пикирлер

– Ак ниеттүүлүк декларациясы, формасы тиркелген (3-тиркеме)

– Конкурстук табыштаманы кепилдеген декларация, формасы тиркелген (4-тиркеме)

– Кызматкерлер тууралуу маалымат, алардын мурунку жумуш тажрыйбасы тууралуу сүрөттөмө, формасы тиркелген (5-тиркеме)

– Мурда аткарылган иштердин кыскача баяндамасы жана сунуштамалары менен ишкер өнөктөштөрдүн тизмеси. Формасы тиркелген (№ 5 тиркеме).
Биринчи баскыч үчүн баалоо критерийлери: Бардык квалификациялык талаптарга жооп берген жана суралган документтердин толук топтомун тапшырган сунуш конкурстун биринчи баскычынан өткөн деп таанылат.

Тандоо катышуучулары Техникалык тапшырмага ылайык квалификациялык маалыматтарды тастыктоо үчүн талап кылынган бардык документтерди тапшырышы керек.
Каржылык сунушту тапшыруу тартиби 2-баскыч: Сунуштун каржылык бөлүгү:  
  Каржылык/коммерциялык сунуш өзүнчө кат түрүндө сырсөз менен корголгон архивде тапшырылышы керек, табыштама формасы тиркелген (7-Тиркеме). Сырсөз бул конкурска жооптуу адамдын өтүнүчү менен берилет. Архивдин сырсөзү кеминде 8 белгиден турушу керек жана анын курамында кеминде 1 сан, 1 атайын белги, ошондой эле кеминде бир баш тамга жана бир кичине тамга болушу зарыл. Катышуучунун расмий бланкындагы каржылык/коммерциялык сунушу «Кумтөр Голд Компани» ЖАКтын атына жөнөтүлүшү керек, анда баасы, иштерди аткаруу мөөнөтү жана төлөм шарттары милдеттүү түрдө көрсөтүлүшү керек.

Квалификациялык жана техникалык талаптарга жооп берген катышуучулардан гана сырсөздөр суралат. 

Эгерде каржылык/коммерциялык сунуш сырсөзү жок же квалификациялык документтер менен бирге берилсе, сатып алуучу уюмдун конкурстук комиссиясы маалыматтын сакталуусу үчүн жооптуу эмес.
Бааларды берүүгө карата талаптар Кызмат көрсөтүүлөрдүн/жумуштардын түрлөрү боюнча иштерди аткаруунун баалары коммерциялык сунуш түрүндө берилиши керек.

Кызматтарды/жумуштарды аткаруунун баалары «баары камтылган» принциби боюнча эсептелиши керек, анын ичинде:

  • кызмат көрсөтүүлөрдүн наркы;
  • салыктар жана милдеттүү чегерүүлөр;
  • эмгек акы, ошондой эле командировкалык чыгымдар жана ар кандай үстөк акылар;
  • кошумча чыгымдар, пайда жана башка чыгымдар.

Резиденттер бааларды кыргыз сому менен көрсөтүүгө милдеттүү.
Катышуу үчүн сунуш 2026-жылдын 16- октябры саат 17:00гө чейин (Бишкек убактысы) Теманы көрсөтүү менен электрондук почтага [email protected] жөнөтүлүшү керек.

Биринчи кат (биринчи баскыч үчүн) квалификациялык жана техникалык бөлүгүн тастыктаган документтер менен берилет. Темасында “Квалификациялык документтер” деп көрсөтүңүз;

Экинчи кат (экинчи баскыч үчүн) каржылык сунуш менен берилет. Темасында “Каржылык сунуш” деп көрсөтүңүз.

Буйрутмачы Келишим түзүлгөнгө чейин каалаган убакта тиешелүү катышуучуларга эч кандай милдеттенмелерди албастан, каалаган же бардык сунуштарды кабыл алууга же четке кагууга, ошондой эле конкурстук процессти жокко чыгарууга укуктуу.
Катышуу сунушу расмий бланкта болушу керек.
Көрсөтүлгөн мөөнөттөрдөн кийин конкурстун катышуучулары тапшырган конкурстук сунуштар кабыл алынбайт жана каралбайт.

Сунуштарын берүү менен, катышуучулар Компаниянын талаптарында көрсөтүлгөн бардык шарттарга макул болгонун билдирет.

Ар бир конкурстун катышуучусу бир гана конкурстук сунуш бере алат.

Конкурстук сунуштун  жарактуулук мөөнөтү кеминде 60 календардык күн болушу керек.

Конкурстук сунуштун жарактуулук мөөнөтүндө конкурстук сунушка эч кандай өзгөртүүлөр киргизилбейт.

Кызмат көрсөтүү келишиминин долбоору таанышуу үчүн берилет. Бул келишимдин долбоору акыркы эмес жана конкурстун жыйынтыгына жараша өзгөртүлөт (6-тиркеме).
Ушул конкурс боюнча бардык суроолор жана конкурстун шарттарын тактоо боюнча сурамдар сунуштарды тапшыруунун акыркы мөөнөтүнө 3 календардык күн калганга чейин төмөнкү электрондук дарекке жөнөтүлүшү керек: [email protected]
Келишим коммерциялык сунушу тандоо шарттарына жана талаптарына жооп берген, биринчи жана экинчи баскычтардан өтүп, эң төмөн баа сунуштаган катышуучуга берилет.

 

БАРДЫК ТИРКЕМЕЛЕР