ЭЛ АРАЛЫК ЖАНА ИЧКИ КЫЗМАТТЫК ИШ САПАРЛАРДЫ УЮШТУРУУ ЖАНА КОШТОО БОЮНЧА ТУРИСТТИК АГЕНТТИК КЫЗМАТТАРЫН КӨРСӨТҮҮ

Конкурстук сунушту даярдоодон мурда катышуучу Конкурстук арызды даярдоо боюнча нускама (жеткирүүчүлөр үчүн) менен (1-тиркеме) таанышып чыгышы керек.

Конкурстук сунуш 60 календардык күн бою күчүндө болушу зарыл. Кошумча маалыматтарды алуу же конкурстук документтер боюнча түшүндүрмөлөрдү сурап алуу үчүн суроо-талапты [email protected] электрондук дарегине конкурстук арыздарды тапшыруунун акыркы мөөнөтү бүткөнгө чейин кеминде 3 жумушчу күн мурда жөнөтүү зарыл. Сатып алуучу уюм өзүнүн көзөмөлүнөн тышкаркы жагдайлардан улам келип чыккан кандай болбосун кечигүүлөр үчүн жоопкерчилик тартпайт.

Конкурстук талаптарга ылайык таризделген катышууга арызды орус тилинде, талап кылынган документтердин көчүрмөлөрүн тиркөө менен, электрондук түрдө [email protected]  электрондук дарегине 2026-жылдын 7-октябрында саат 14:00дөн кечиктирбестен жөнөтүүлүшү керек.

Конкурс эки этапта өткөрүлөт жана ар бир этап үчүн өзүнчө эки кат даярдалышы керек:

Биринчи кат (биринчи этап үчүн) квалификациялык жана техникалык бөлүккө тиешелүү документтер менен бирге берилет. Каттын темасында «Квалификациялык документтер» деп көрсөтүлүшү керек:

Техникалык тапшырма ушул конкурстук документтерге тиркелет.

Экинчи кат (экинчи этап үчүн) финансылык сунуш менен бирге берилет.

Каттын темасында «Финансылык документтер» деп көрсөтүлүшү керек.

Катышуучу Буйрутмачы тарабынан берилген Техникалык тапшырмага ылайык арыздын баасын камтыган коммерциялык сунушту берүүгө милдеттенет.

Эгерде тиркелген файлдардын жалпы көлөмү 25 МБдан ашса, анда конкурстук арыз бөлүктөргө бөлүнүп жөнөтүлүшү керек жана каттын темасында төмөнкүлөр көрсөтүлүүгө тийиш:

1. «Квалификациялык жана техникалык сунуштар (катышуучунун аталышы)» 1-бөлүк.

2. «Квалификациялык жана техникалык сунуштар (катышуучунун аталышы)» 2-бөлүк, жана ушул сыяктуу улантылат.

Документтерди булуттагы сактагычтар аркылуу жүктөп жөнөтүү сунушталбайт, анткени документтерди жүктөп алуу шилтемелеринин колдонуу мөөнөтү чектелүү болот.

Катышуучунун конкурстук арыз эки пакет документтен турушу керек.

Биринчи пакеттеги документтер:

1. Катышуучунун квалификациялык жана техникалык сунуштары.

Биринчи пакетте конкурстук сунуштун баасын же сунуштун наркын ачыкка чыгара турган башка маалыматтарды көрсөтүүгө жол берилбейт. Биринчи пакеттеги документтерде өз сунушунун баасын көрсөткөн катышуучунун конкурстук сунушу четке кагылат.

1.      Катышууга кызыкдар экендигин тастыктаган кат;

2.      Компания жөнүндө кеңири маалымат;

3.      Кызматтарды көрсөтүү үчүн талап кылынган уруксаттардын, лицензиялардын, сертификаттардын көчүрмөлөрү;

3. Акыркы 5 жылдагы ушул сыяктуу кызматтарды көрсөтүү боюнча референс-баракча (тажрыйба тизмеси);

– Сунуш каттар, пикирлер.

4.      Юридикалык жакты мамлекеттик каттоо жөнүндө күбөлүктүн сканерленген көчүрмөсү;

5.   Негизги ишмердүүлүктүн түрүн аныктаган документтин (Уставдын) сканерленген көчүрмөсү, ошондой эле жетекчини дайындоо жөнүндө чечимдин сканерленген көчүрмөсү;

6.   2024-2025-жылдар үчүн финансылык отчеттуулуктун түп нускасынын сканерленген көчүрмөлөрү:

7.   – Бухгалтердик баланс;

– Кирешелер жана чыгашалар жөнүндө отчет;

– Акча каражаттарынын кыймылы жөнүндө отчет;

– Капиталдын кыймылы жөнүндө отчет;

– Бирдиктүү салык декларациясы.

8.   Акыркы отчеттук датага карата мамлекеттик органдардын алдында салык төлөмдөрү жана камсыздандыруу төгүмдөрү боюнча карызынын жоктугу жөнүндө маалымкат;

9.   Техникалык тапшырмага ылайык талап кылынган документтерди берүү;

Экинчи пакеттеги документтер:

2. Электрондук каттын темасында төмөнкүлөр көрсөтүлүүгө тийиш:

«Сунуштун баасы (катышуучунун аталышы)»

Электрондук каттын мазмуну сырсөз менен корголууга тийиш. Катышуучу баалоонун биринчи этабынан өткөн учурда сырсөз андан өзүнчө суралат.

– Расмий бланкта даярдалган коммерциялык сунуш, анда иштерди аткаруу мөөнөттөрү жана төлөө шарттары көрсөтүлүшү керек, ошондой эле чыгымдардын деталдуу эсеп-кысабы (калькуляциясы) тиркелүүгө тийиш.

·         Жеңүүчү болуп кызмат көрсөтүүнүн баасы, сапаты жана мөөнөттөрүнүн эң мыкты айкалышын сунуштаган, ошондой эле Техникалык тапшырманын талаптарына ылайык конкурстук арызды тапшырган катышуучу таанылат.

·         Конкурстун катышуучусу көрсөткөн жумуштардын наркы Кыргыз Республикасынын мыйзамдарына ылайык алынуучу бардык салыктарды, бажы төлөмдөрүн, жыйымдарды жана башка милдеттүү төлөмдөрдү, ошондой эле тейлөө мезгилин, келишимде каралган кошумча кызматтарды жана келишимдик милдеттенмелерди аткарууга байланыштуу башка бардык чыгымдарды камтууга тийиш.

·         Келишимдин аткарылышын кепилдик камсыздоо (ГОИД) – келишим боюнча милдеттенмелердин аткарылышын камсыз кылуу үчүн жеткирүүчүгө карата конкурстук документтерде каралган талап болуп саналат жана конкурстун жеңүүчүсү тарабынан Декларация түрүндө таризделет.

Сунушун берүү менен катышуучу Компаниянын талаптарында көрсөтүлгөн бардык шарттарга макул экендигин билдирет.

Ар бир тандоого катышуучу бир гана сынактык сунуш бере алат.

Конкурстук сунуштун жарактуу мөөнөтү кеминде 60 календардык күндү түзүүгө тийиш.

Конкурстук сунуштун жарактуу мөөнөтүнүн ичинде ага өзгөртүүлөрдү киргизүүгө жол берилбейт.