КУМТӨР КЕНИНДЕГИ АЫФгы “FOXBORO” ББС СИСТЕМАСЫН ЖЫЛДЫК ТЕХНИКАЛЫК ТЕЙЛӨӨ БОЮНЧА АЛДЫН АЛА КВАЛИФИКАЦИЯЛЫК ТАНДОО

Документтер мөөр менен бекитилип, PDF форматында тапшырылышы зарыл. Кол коюу укугу ишеним кат же тиешелүү документтердин нотариалдык күбөлөндүрүлгөн көчүрмөлөрү менен тастыкталышы керек.

Техникалык тапшырма купуялуулук жөнүндө кол коюлган макулдашууга ылайык берилет (макулдашуунун формасы тиркелет).

Катышуучу Кумтөр кенинде “Foxboro” ББС системасын жылдык тейлөө үчүн сунуш баасын, иштелип чыккан сметаны жана башка керектүү документтерди камтыган коммерциялык сунушту берүүгө милдеттенет.

Бул документтер Буйрутмачы тарабынан берилген Техникалык Тапшырмага ылайык даярдалышы керек (эгерде Катышуучу квалификациялык тандоодон өтүп, купуялуулук жөнүндө макулдашууга кол койсо).

“Foxboro” (Extreme) Control Network жаңы коммутациялык жабдуусу менен иштөө боюнча тажрыйба болушу керек, анын ичинде конфигурациялоо жана бузулууларды жоюу. (Тастыктоочу документтерди берүү талап кылынат).

Заводдун жаңы аянтчасында долбоорлорду ишке ашыруу жана интеграциялык иштерди жүргүзүү боюнча тажрыйба болушу керек, анын ичинде Integration Altivar VFD, TeSYS T, Control Logix PLC системаларын модернизациялоо. (Тастыктоочу документтерди берүү талап кылынат).

Компаниянын штатында техникалык колдоо инженерлери болушу керек, алар тоо-кен өнөр жайындагы объекттерди тейлөө жана колдоо боюнча тастыкталган тажрыйбага ээ болушу зарыл. (Тастыктоочу документтерди берүү талап кылынат).

Катышуучу катталган жеткирүүчү болушу керек жана PIMS долбоорлорун ийгиликтүү ишке ашыруу жана операциялык колдоо боюнча тастыкталган тажрыйбага ээ болушу зарыл. Ошондой эле, Canary Historian орнотулган системасына байланыштуу бардык суроолор боюнча биринчи деңгээлдеги техникалык колдоо көрсөтүүгө жөндөмдүү болушу керек, системанын иштөөсүндө үзгүлтүк болгондо маалымат жоготууларын минималдаштырууну камсыз кылуу талап кылынат. (Тастыктоочу документтерди берүү талап кылынат).

АЫФнын технологиялык процесстери, ошондой эле электр жана көзөмөл-өлчөө системалары менен тааныш болушу керек. Өндүрүш жана техникалык тейлөө бөлүмдөрүнүн командаларына зарыл болгон техникалык колдоо көрсөтүү милдети бар. (Тастыктоочу документтерди берүү талап кылынат).

«Кумтор» компаниясынын талаптарына ылайык, Axiom маалымат панелин жана графиктерди түзүү, ошондой эле PIMS системасында эсептөөлөрдү жана окуялар боюнча эскертүүлөрдү жөндөө мүмкүнчүлүгүнө ээ болуу талап кылынат.

Подрядчы уюм АЫФнын адистери менен ыкчам байланыш үчүн эки байланыштуу адамды көрсөтүүгө милдеттүү. Эгерде уюм менен байланыш мүмкүн болбой калса, «Кумтөр Голд Компани» ЖАК кызматтын наркынын 10%ын ар бир жеткиликсиз саат үчүн кармап калууга укуктуу.

Юридикалык жак катары катталгандыгын тастыктаган документтин сканерленген көчүрмөсү берилүүгө тийиш.

·    Бухгалтердик баланс;

·    Киреше жана чыгаша боюнча отчет;

·    Акча каражаттарынын кыймылы боюнча отчет;

·    Капиталдагы өзгөрүүлөр боюнча отчет.

·    же 2023–2024-жылдар үчүн Бирдиктүү Салык Декларациясынын сканерленген көчүрмөсү.

Өз сунушун тапшыруу менен Катышуучу Компаниянын талаптарында көрсөтүлгөн бардык шарттарга макул экендигин билдирет.Ар бир тандоонун катышуучусу бир гана сунуш бере алат.

Ар бир катышуучу тандоого бир гана конкурстук сунуш бере алат.

Конкурстук сунуштун жарактуулук мөөнөтү кеминде 60 календардык күн болушу керек.

Конкурстук сунуштун жарактуулук мөөнөтү ичинде сунуштарга өзгөртүүлөрдү киргизүүгө жол берилбейт.