ТЕХНИКАЛЫК ТАПШЫРМАГА ЫЛАЙЫК ЭЛЕКТРОНДУК БИЛБОРДДУ БЕРҮҮГӨ ЖАНА ОРНОТУУГА КОНКУРСТУК ТАБЫШТАМА

Жарыяланган: 14 July 2025

ТАБЫШТАМА БЕРҮҮНҮН АКЫРКЫ МӨӨНӨТҮ: 2025-жылдын 22-июлу саат 17:00 чейин.

Урматтуу айымдар жана мырзалар,

«Кумтөр Голд Компани» ЖАК (Буйрутмачы) укуктуу берүүчүлөрдү «Кумтөр Голд Компани» ЖАКтын  кен администрациясына маалыматты визуалдык корсотуу учун электрондук билбордду берүү жана орнотуу боюнча чектелбеген эки этаптуу конкурска катышууга жана Техникалык Тапшырмага ылайык төмөнкү лотторго конкурстук табыштамаларын берүүгө чакырат:

1. №1 Лот – электрондук билборд.

Сиздин сунуштар документтер, тиркемелер, жана баа сунуштары менен бирге, коммерциялык сунуштарга жана келишим боюнча милдеттенмелерге кол коюуга толук укугу бар адам (адамдар) тарабынан кол коюлушу керек, мөөр менен бекитилип, документтер PDF форматында берилиши керек.

Адамдын документтерге кол коюуга ыйгарым укугу ишеним кат же анын ыйгарым укугун тастыктаган документтердин күбөлөндүрүлгөн көчүрмөсү менен тастыкталышы керек.

Тандоо сынагына катышууну каалагандардын баары Чакырууга №1, №2, №3 тиркемелерине ылайык формаларды толтуруушу керек, документтердин керектүү көчүрмөлөрүн тиркеп, төмөндө көрсөтүлгөн электрондук почтага жөнөтүшү керек.

Катышуучулар өздөрүн табыштамаларын электрондук почта аркылуу бир же бир нече кат түрүндө жөнөтүшөт, алардын өлчөмү 25 мб ашпашы керек.

Биринчи топтомдун темасы «[Компаниянын аталышы] боюнча квалификациялык жана техникалык сунуштар» болушу керек; экинчи топтому үчүн «[Компаниянын аталышы] баа сунушу» billboard2025@kumtor.kg   –деген дарекке жөнөтүлүшү керек 

Сынактык табыштаманы берүү тартиби

Катышуучулар документтерди эки өзүнчө топтомо түрүндө тапшырышат, эки топтом бир убакытта тапшырылышы керек:

• №1 топтомо – квалификациялык жана техникалык сунуштар (сыр сөзсүз берилет);
• №2 топтомо – коммерциялык сунуш (файлга сыр сөз аркылуу кирүүгө тийиш, аны биринчи этапта ачууга болбойт, сыр сөз Буйрутмачынын өтүнүчү боюнча электрондук почта аркылуу жөнөтүлүшү керек).

1. Биринчи этап – квалификациялык жана техникалык сунуштарды баалоо (Кыргыз Республикасынын резиденттери үчүн)
1.1. Квалификациялык жана техникалык баалоо төмөндөгүлөрдү камтыйт:

• Товардын техникалык спецификациясы;
• Товардын келип чыгуусу жөнүндө тастыктама
• Окшош иш тажрыйбасы (референс баракчасы акыркы жыл үчүн, лоттун суммасынан кем эмес суммага окшош келишимдердин көчүрмөлөрү, аткарылган иштердин/ кызмат көрсөтүүлөрдүн актылары);
• Акыркы отчеттук мезгил үчүн салык жана камсыздандыруу боюнча карыздардын жоктугу тууралуу күбөлүктөрдүн түп нускаларынын сканерден алынган көчүрмөлөрү (Мамлекеттик салык кызматы, Социалдык фонд);
• Кыргыз Республикасынын Юстиция министрлигинде мамлекеттик каттоо же кайра каттоо жөнүндө күбөлүгүнүн түп нускасынын сканерленген көчүрмөсү; (жеке ишкерлер үчүн – жеке ишкер катары катталгандыгы жөнүндө күбөлүк же колдонуудагы патенттин көчүрмөсү, ошол эле учурда ишмердиктин түрү сатып алуу заттарга дал келиши керек);
• Уставдын түп нускасынын сканерленген көчүрмөсү (юридикалык жактар үчүн);
• Ишеним кат же адамдын документтерге кол коюуга ыйгарым укугун тастыктаган башка документ;
• Акыркы 2023 жана 2024-жылдар үчүн ыйгарым укуктуу орган тарабынан күбөлөндүрүлгөн бардык тиркемелери (пайдалар жана чыгымдар жөнүндө отчет, капиталдын өзгөрүүлөрү жөнүндө отчет, акча агымдары жөнүндө отчет) жана БСД (Бирдиктүү салык декларациясы) менен түп нускадагы баланстын сканерленген көчүрмөсү;
• Сот ишинин катышуусуна катышуусу жөнүндө маалымат (акыркы үч жыл, анын ичинде учурдагы жыл);
•  Конкурстук табыштаманын катышуусун кепилдик берүү жөнүндө декларация (Чакырууга №1 тиркемеси түрүндө);
• Ак ниеттүүлүк жөнүндө декларация жана коррупцияга каршы күрөшүү эскертме (Чакырууга №2 тиркеме түрүндө);
• Банктык реквизиттери менен толтурулган жана мөөр басылган сканерленген файл;
• Толтурулган жана мөөр басылган, жеткирүүчү анкетасынын сканерленген файлы

Резидент эместер үчүн (башка өлкөлөрдүн катышуучулары):

• Товардын техникалык спецификациясы;
• Товардын сапат сертификаты
• Товардын келип чыгуусу жөнүндө тастыктама
• Иш тажрыйбасын талдоо (акыркы жыл үчүн референс баракчасы);
• Мамлекеттик каттоо же кайра каттоо жөнүндө күбөлүктүн түп нускасынын сканерден өткөрүлгөн көчүрмөсү;
• Уставдын түп нускасынын сканерленген көчүрмөсү;
• Адамдын документтерге кол коюуга ыйгарым укугун тастыктаган ишеним кат же башка документ;
• Акыркы 2023 жана 2024 (биринчи жарым жылдык) жылдар үчүн ыйгарым укуктуу орган тарабынан күбөлөндүрүлгөн бардык тиркемелери менен (бухгалтердик баланс, кирешелер жана чыгашалар жөнүндө отчет, капиталдагы өзгөрүүлөр жөнүндө отчет, акча каражаттарынын кыймылы жөнүндө отчет) бухгалтердик баланстын түп нускасынын сканерленген көчүрмөсү.
• Банктык реквизиттери менен толтурулган жана мөөр басылган сканерленген файл;
• Толтурулган жана мөөр басылган, жеткирүүчү анкетасынын сканерленген файлы.

1.2. Биринчи этаптын жыйынтыгы боюнча экинчи этапка кабыл алынган катышуучулардын тизмеси түзүлөт.

1.3. Экинчи этапка киргизилбеген катышуучулар:

• Документтердин толук топтомосун бербеген;
• Сыр сөзсүз биринчи топтомо менен коммерциялык сунушту берген же сурагаңга чейин сыр сөз жөнөткөн;
• Буйрутмачынын өтүнүчү боюнча экинчи топтомдун сыр сөзү берилбей калган учурда;
• Сынактык табыштаманын өтүшүнө кепилдик берген кол коюлган декларация жок болгон учурда (Чакырууга №1 тиркеме түрүндө);
• Ак ниеттүүлүк жөнүндө декларацияга кол коюлган жана коррупцияга каршы күрөшүү эскертме болбогон учурда (Чакырууга №2 тиркеме түрүндө);
• Чакырууда көрсөтүлгөн мөөнөт бүткөндөн кийин документтерди тапшырганда.
• Буйрутмачынын коопсуздук кызматы жана каржы бөлүмү тарабынан аккредитацисынан өтпөгөн учурда.

1.4. Буйрутмачы өз каалоосу боюнча катышуучулардын ишканасына барып жеринде текшерүү жүргүзө алат.

2. Экинчи этап – сынактык табыштаманы баалоо

2.1. Экинчи этапка биринчи этаптан ийгиликтүү өткөн катышуучулар гана катышууга уруксат берилет.
2.2. Катышуучунун баа сунушу Чакырууга №3 тиркемесиндеги формага ылайык так түрдө толтурулат.

• Эгерде сынакка Катышуучу Чакырууга №3 тиркемесинде белгиленген формага ылайык келбеген баа сунушун жөнөткөн учурда, анын табыштамасы четке кагылат.

2.3. Баа/сапат боюнча эң мыкты шарттарды сунуштаган, ошондой эле Техникалык Тапшырма шарттарына ылайык конкурска табыштаманы берген Катышуучу жеңүүчү болуп саналат.

2.4. Артыкчылык, ар бир Лот боюнча суроо-талапта позициялардын максималдуу саны үчүн бааны сунуштаган Катышуучуга берилет.

2.5. Сынактын Катышуучу тарабынан көрсөтүлгөн продукциянын наркы бардык чыгашаларды, анын ичинде салыктарды, алымдарды, жыйымдарды, буйрутманын кампасына жеткирүүнү жана Кыргыз Республикасынын мыйзамдарына ылайык алынган башка төлөмдөрдү, ошондой эле кызмат көрсөтүү мөөнөтүн эске алуу менен келишимдик милдеттенмелерди аткаруу үчүн Келишимде көрсөтүлгөн тейлөө мөөнөтүн эске алуу менен башка чыгымдарды камтууга тийиш.

Баалоо критерийлери:

• Баа/сапат/жеткирүү мөөнөттөрү катышы боюнча эң жакшы шарттарды сунуштаган, белгиленген квалификациялык жана техникалык талаптарга жооп берген катышуучунун сунушу жеңүүчү деп таанылат.
• Сынактын жеңүүчүсү менен бир жылдык мөөнөткө жеткирүү келишими түзүлөт.
• Артыкчылык өндүрүүчүлөргө жене расмий дистрибьюторлорго берилет.

Сунуштарды тапшыруунун акыркы мөөнөтү: 2025-жылдын 22-июль саат 17:00 чейин.

• Тандоонун катышуучулары тарабынан белгиленген мөөнөттөн кийин берилген конкурстук табышмалар жана/же өтүнмөлөр кабыл алынбайт жана каралбайт.
• Өзүнүн сунушун берүү менен, Катышуучу Компаниянын талаптарында көрсөтүлгөн бардык шарттарды, анын ичинде Келишимдин шарттарын Чакырууга №5 тиркемесине ылайык макул болот.
• Ар бир тандоо Катышуучусу ар бир Лот үчүн бир гана сунуш бере алат.
• Конкурстук табыштамаларды берүү мөөнөтү бүткөндөн кийин аларга өзгөртүүлөрдү киргизүүгө жол берилбейт.

Бул Чакырууга байланыштуу суроолор пайда болгон учурда, Катышуучу түшүндүрмөлөрдү алуу үчүн Maksat.Subanaliev@kumtor.kg электрондук дареги боюнча Буйрутмачыга кайрылса болот, бирок сынактык табыштамаларды берүү мөөнөтү аяктаганга чейин 3 жумушчу күндөн кечиктирбеши керек. Түшүндүрмөлөр кайрылган Берүүчүгө суроо-талап алынган электрондук почта аркылуу табыштама алынган учурдан тартып үч календардык күндөн кечиктирилбестен жөнөтүлөт.

Зарыл болгон учурда, Буйрутмачы конкурстук сунуштарды берүү мөөнөтү аяктаганга чейин каалаган учурда, бирок кандай болбосун 3 (үч) жумушчу күндөн кечиктирбестен, толуктоолорду берүү жолу менен ушул Чакырууга өзгөртүүлөрдү киргизүүгө укуктуу.

Буйрутмачы, эгерде ушул Чакырууга өзгөртүүлөр киргизилген болсо, сынактык сунуштарды берүүнүн акыркы күнүн кийинки күнгө жылдыра алат, бул тууралуу Буйрутмачы тиешелүү маалыматты ушул сынак жөнүндө жарыя жайгаштырылган https://www.kumtor.kg/ru/ Буйрутмачынын расмий веб-сайтында жайгаштыруу аркылуу билдирет.

Буйрутмачы тиешелүү Катышуучулардын алдында эч кандай милдеттенме албастан, Келишим түзүлгөнгө чейин каалаган учурда ар кандай сунушту кабыл алууга же четке кагууга же ошондой эле конкурс жараянын жокко чыгарууга укуктуу. Буйрутмачы көрсөтүлгөн чакыруунун алкагында арыз ээси тарткан кандайдыр бир чыгымдардын ордун толтуруу боюнча милдеттенмеден баш тарткандыгы жөнүндө сөзсүз билдирет.

Документтерди көчүрүп алыңыз:

ТЕХНИКАЛЫК ТАПШЫРМА

БАА СУНУШУ

РЕКВИЗИТТЕР

СУРАМЖЫЛОО

КОНКУРСТУК ТАБЫШТАМАНЫН АТКАРЫЛЫШЫНА КЕПИЛДИК БЕРГЕН ДЕКЛАРАЦИЯ

АК НИЕТТҮҮЛҮК ДЕКЛАРАЦИЯСЫ ЖАНА КОРРУПЦИЯГА КАРШЫ ЖОБОСУ