ТЕХНИКАЛЫК КӨЗӨМӨЛДӨӨ БӨЛҮМҮНӨ (ТКБ) ЭКИ ЖЫЛДЫК ТАКШАЛМА ӨТҮҮ ҮЧҮН ТАНДОО

Жарыяланган: 21 August 2026

ТАПШЫРУУНУН АКЫРКЫ МӨӨНӨТҮ: 06.09.2026, 16:00го чейин.

“Кумтөр Голд Компани” ЖАК жогорку окуу жайлардын бүтүрүүчүлөрү арасында Техникалык көзөмөлдөө бөлүмүнө (ТКБ) эки жылдык такшалма өтүү үчүн тандоо жүргүзөт.

Программага Кыргыз Республикасынын жарандары гана катыша алышат.

Талаптар:

• «Металлдар металлургиясы», «Пайдалуу кен байлыктарды байытуу», багыттары боюнча жогорку билим;
• Компьютерди ишенимдүү колдонуу, (MS Office) программаларын билүү;
• Окууга жана жаңы билимдерди, көндүмдөрдү өздөштүрүүгө даяр болуу;
• Демилгелүүлүк жана кесиптик өнүгүүгө умтулуу;
• Аткаруучулук, жоопкерчилик жана тартиптүүлүк;
• Командада иштей билүү жана кесиптештер менен натыйжалуу иштешүү мүмкүнчүлүгү;
• Жакшы дене түзүлүш, дарыгерлердин көрсөтмөсү боюнча бийик тоолуу шарттарда иштөөгө жарамдуулук.

Милдеттер:

• Өнөр жай коопсуздугунун талаптары жана жумуштун коопсуз ыкмалары боюнча окуудан өтүү;
• “Кумтөр Голд Компани”ЖАК ченемдерин, саясаттарын жана жол-жоболорун сактоо;
• Ишкананын технологиялык процесстерин изилдөө;
• Технологиялык схемалардын, аппараттардын жана жабдуулардын схемаларын изилдөө;
• Изилдөө жана тажрыйба-аналитикалык иштерди аткарууга катышуу;
• Технологиялык лабораториянын ички процесстерин жана жол-жоболорун өздөштүрүү;
• Иштеп жаткан өндүрүш шарттарында иштөө боюнча практикалык көндүмдөргө ээ болуу.

Такшалманын шарттары:

• Акы төлөнүүчү такшалма
• Такшалманын мөөнөтү – 2 жыл
• Такшалманын өтүү жери – Кумтөр кени
• Такшалманын графиги – 14/14

Тандоого катышуу үчүн төмөнкүлөр керек:

• Анкетаны толтуруп, бардык керектүү документтерди 2026-жылдын 6-сентябрь айында саат 16:00 дөн кечиктирбестен шилтеме аркылуу өтүп тиркеңиз.

Тестирлөөгө жана маектешүүгө эң ылайыктуу талапкерлер гана чакырылат.