МАТЕРИАЛДЫК-ТЕХНИКАЛЫК КАМСЫЗДОО БӨЛҮМҮНҮН ХИМИЯЛЫК РЕАГЕНТТЕР ЖАНА ЖАРДЫРГЫЧ ЗАТТАР ТОБУНА ЭКИ ЖЫЛДЫК ТАКШАЛМА ӨТҮҮ ҮЧҮН ТАНДОО

Жарыяланган: 17 November 2025

ТАПШЫРУУНУН АКЫРКЫ МӨӨНӨТҮ: 23.11.2025, 16:00го чейин.

“Кумтөр Голд Компани” ЖАК жогорку окуу жайлардын бүтүрүүчүлөрү арасында Материалдык-техникалык камсыздоо бөлүмүнун химиялык реагенттер жана жардыргыч заттар тобуна эки жылдык такшалма өтүү үчүн тандоо жүргүзөт.

Талаптар:

• Аяктаган жогорку билим (2019-жылдан 2025-жылга чейин жождордун бүтүрүүчүлөрүнүн билдирмелерин кабыл алабыз);
• MS Office, Excel программаларын билүү;
• Иштиктүү кат алышуу көндүмдөрү, компетенттүү жазуу жана оозеки сүйлөө;
• Тил билүү артыкчылыгы: англис, кытай, түрк;
• Сатып алуулардын стандарттарын жана жол-жоболорун билүү артыкчылык болуп саналат;
• Аналитикалык ой жүгүртүү жана стресске туруктуулук.

Милдеттери:

• Корпоративдик программаларга жана системаларга жеткирүүчүлөр жана сатып алуу заказдары жөнүндө маалыматтарды киргизүү жана жаңылоо;
• Товарларды жана кызматтарды сатып алууга арыздарды даярдоого катышу;
• Товарлардын жана кызмат көрсөтүүлөрдүн жеткирүү шарттарын, мөөнөттөрүн жана баасын тактоо;
• Келишимдин шарттарын даярдоого жана макулдашууга катышуу;
• Жеткирүүчүлөр менен келишим түзүү процессинде колдоо көрсөтүү;
• Төлөм тапшырмаларын жана келишимдерди архивдөө.

Такшалма шарттары:

• Акы төлөнүүчү такшалма
• Такшалма мөөнөтү – 2 жыл
• Такшалма өтүү жери – Бишкек ш. кенсе
• Такшалма графиги – 5/2

Тандоого катышуу үчүн:   

• 2025-жылдын 23-ноябрында, саат 16:00 кечикпестен, шилтеме аркылуу өтүп, анкетаны толтуруп, ага бардык керектүү документтерди тиркөө керек.

Тестирлөөгө жана маектешүүгө эӊ ылайыктуу талапкерлер гана чакырылат.