МАТЕРИАЛДЫК-ТЕХНИКАЛЫК КАМСЫЗДОО БӨЛҮМҮНҮН (ХИМИЯЛЫК РЕАГЕНТТЕР ЖАНА ЖАРДЫРГЫЧ ЗАТТАР ТОБУНА) ЭКИ ЖЫЛДЫК ТАКШАЛМА ӨТҮҮ ҮЧҮН ТАНДОО

Жарыяланган: 04 March 2026

ТАПШЫРУУНУН АКЫРКЫ МӨӨНӨТҮ: 11.03.2026, 16:00го чейин.

“Кумтөр Голд Компани” ЖАК Материалдык-техникалык камсыздоо бөлүмүнүн (Химиялык реагенттер жана жардыргыч заттар тобуна) эки жылдык такшалма өтүү үчүн ЖОЖдордун бүтүрүүчүлөрүн тандоо жүргүзөт. Программага Кыргыз Республикасынын жарандары гана катыша алышат.

Талаптар:

• Бүтүрүлгөн толук жогорку билим;
• MS Office программаларын, анын ичинде Excelди ишенимдүү билүү;
• Иш каттарын алышуу боюнча көндүмдөр, сабаттуу жазуу жана оозеки сүйлөө;
• Кийинки тилдердин бирин билүү: англис, кытай же түрк тили;
• Сатып алуу стандарттарын жана жол-жоболорун билүү артыкчылык болуп эсептелет;
• Аналитикалык ой жүгүртүү жана кунт коюп иштөө жөндөмдүгү.

Милдеттер:

• Жабдуучулар жана сатып алуу тапшырмалары боюнча маалыматтарды корпоративдик программаларга жана системаларга киргизүү жана жаңылоо;
• Товарларды жана кызматтарды сатып алуу үчүн табыштамаларды даярдоого катышуу;
• Компаниянын муктаждыктарына ылайык материалдарды жана кызматтарды сатып алуу боюнча табыштамаларды даярдоо, тариздөө жана жөнөтүү;
• Товарлар менен кызматтарды жеткирүү шарттарын, мөөнөттөрүн жана бааларын тактоо;
• Сунуштарга болгон суроо-талаптарды даярдоо жана жабдуучулардын сунуштарын талдоо;
• Коммерциялык сунуштарга болгон суроо-талаптарды даярдоого жардам көрсөтүү;
• Келишимдердин шарттарын даярдоого жана макулдашууга катышуу;
• Жабдуучулар менен келишимдерди түзүү процессин коштоп жүрүү;
• Төлөм тапшырмаларын жана келишимдерди архивдөө.

Такшалманын шарттары:

• Акы төлөнүүчү такшалма
• Такшалманын узактыгы – 2 жыл
• Такшалманын орду – Бишкек шаарындагы кеңсе
• Такшалманын графиги – 5/2

Тандоого катышуу үчүн төмөнкүлөр керек:

• Анкетаны толтуруп, баардык керектүү документтерди 2026-жылдын 11-мартында 16:00дөн кечиктирбестен шилтеме аркылуу өтүп тиркеңиз.

Тестирлөөгө жана маектешүүгө эң ылайыктуу талапкерлер гана чакырылат.