Жаңылыктар жана басма-сөз

Бүгүнкү күндөн, 2012-жылдын 10-августунан, баштап “Кумтөр” кен ишканасында анын жер астындагы участогун жайгаштыруу боюнча иштер убактылуу токтотулду

Кен ишканасында иштешкен кызматкерлердин тамак-аш менен ууланып калуусуна шектенүүгө байланыштуу, «Кумтөр Оперейтинг Компани» шашылыш түрдө бардык азык-түлүк продуктыларын берүүчүлөрдөн лаборатордук сыноолордун натыйжаларын жана ылайыктуулук сертификаттарын кошумча талап кылды. 2012-жылдын 18-июлунда компаниянын медициналык кызматына 4 адам жогорку температура болуп жаткандыгы жана жалпы алсыздангандык боюнча кайрылышкан, анын экөөсү диарея болуп жаткандыгына даттанышкан. 19-июлда кайрылгандардын саны – 49га, а 20сында – 140ка жеткен. Алардын баарына баштапкы медициналык жардам көрсөтүлгөн. Медициналык жардам сурап кайрылгандардын саны көп болгондугуна байланыштуу жана өзгөчө кырдаалдарда аракеттер планына ылайык, компания областтык санитардык-эпидемиологиялык кызматка билдирип жана медиктерге кайрылуулардын себептерин аныктоону өтүнгөн. Мамсанэпидкөзөмөлдүн кызматкерлери дароо кен ишканасына көтөрүлүшкөн. Кызматкерлердин массалык кайрылууларынан улам санитардык врачтар аларды Ысык-Көл областынын ооруканаларына жөнөтүүнү сунушташкан. Жалпысынан 18инен 22-июлга чейин компаниянын медкызматына 220дан ашуун адам кайрылышкан. 159 адам кен ишканасынан түшүрүлгөн. Республиканын саламаттыкты сактоо министрлигинин маалыматы боюнча, азыркы учурда 78 адам ооруканага жаткырылган. Бүгүн кен ишканасында инфекция белгилери менен 4 адам кайрылган. Мамсанэпидкөзөмөлдүн адистери тамак-аш блогун, кампа жайларын, турак-жай блокторун, санитардык түйүндөрдү иликтөө жүргүзүштү, натыйжада санитардык нормаларды жана эрежелерди одоно бузуулар табылган жок. Бардык ашкана персоналынын тамак-аш блогунда иштөө үчүн медициналык уруксаты бар. Мамсанэпидкөзөмөлдүн талабы боюнча азык-түлүк берүүчүлөрдүн бардыгынан ылайыктуулук сертификаттары жана лаборатордук иликтөөлөрдүн маалыматтары талап кылынды. Ичеги-карын инфекциясынын келип чыгуусунан улам «Кумтөр» кен ишканасында Жети-Өгүз ИИБсынын, […]

Азыркы учурда эле Рекультивация фондунда 9 миллиондон ашуун АКШ доллары бар

2011-жылы «Кумтөр» кен ишканасында жалпысынан тышкы контролдоочу органдарга маалымдоого жаткан бир да экологиялык окуя катталган эмес. Бул жөнүндө «Кумтөр Оперейтинг Компани» тарабынан жарыяланган 2011-жылга курчап турган чөйрөнү коргоо боюнча отчетто айтылат

Акыркы мезгилде өлкөнүн парламентинин жана өкмөтүнүн мүчөлөрү тарабынан биздин компаниянын дарегине өтө терс жана кутумчул мүнөздөгү асылуулар жана айыптоолор көбөйдү, алар компаниянын ишмердүүлүгүнө терс таасир тийгизүүдө жана анын ишкер беделине шек келтирүүдө. Мына ушуга байланыштуу биз, «Кумтөр Оперейтинг Компанинин» кызматкерлери, буга өтө тынчсыздануудабыз жана өзүбүздүн конституциялык укугубуздан пайдалануу менен сындоолорго жана Кумтөр кен ишканасында болушкан депутаттар жана өкмөт мүчөлөрү көтөрүшкөн маселелерге карата өз пикирибизди жана жарандык позициябызды билдиргибиз келет. Көпчүлүгүбүз кен ишканасында 15 жылдан ашуун убакыт иштеп келебиз жана алтынды казып алууга байланышкан иштер кантип жүргүзүлүп жаткандыгы жана компания тарабынан эмгектин коопсуздугу жана курчап турган чөйрөнү коргоо боюнча канчалык жогорку стандарттар белгиленгендиги жана сакталып жаткандыгы боюнча имиштерден жана илимий журналдардан эмес, өз көзүбүз менен көрүп билебиз. Андан тышкары, биздин компаниянын айрым адистери чет өлкөлөрдөгү жана КМШ өлкөлөрүндөгү алтын казып алуучу компанияларда иш тажрыйбасына ээ болушкан жана Кумтөрдөгүдөй иштин уюштурулуусу жана шарттары бар, технологиялык процесс дайыма өркүндөтүлүп турган ушундай ишкана азыркы учурда бирди-жарым эле экенин моюнга алышат. Кумтөр Кыргызстандын бюджетинин киреше бөлүгүнүн негизги булагы болуп санала тургандыгы эч кимге жашыруун эмес. Статистикалык маалыматтарга ылайык, биздин компания Ысык-Көл областынын гана эмес, ошондой эле бүткүл өлкөнүн экономикасын өнүктүрүүгө жана калкынын жашоо деңгээлин жогорулатууга олуттуу салым кошууда. Кумтөр чет элдик валюта резервдеринин көбөйүүсүнө жана […]

Текшерүүлөр Мамтоотехкөзөмөл, Курчап турган чөйрөнү коргоо жана токой чарбасы боюнча мамлекеттик агенттик, Ысык-Көл областтык мамлекеттик санитардык-эпидемиологиялык көзөмөл борбору, Жаратылыш ресурстары министрлигинин Геоэкология башкармалыгы жана башка текшерүүчү органдар тарабынан жүргүзүлгөн. Өнөр жай коопсуздугуна көзөмөл жана тоо-кен көзөмөлү боюнча мамлекеттик инспекция тарабынан эле өткөн жылы жалпысынан «Кумтөр» кен ишканасына алты инспекция жүргүзүлгөнүн белгилеп коелу. 2011-жылы «Кумтөр» кен ишканасында Жогорку Кеңештин жумушчу тобунун өкүлдөрү, ошондой эле Кыргыз Республикасынын Премьер-министринин буйругу менен түзүлгөн ведомстволор аралык комиссиянын мүчөлөрү жана эксперттери да болушкан. Ошондой эле, 2011-жылы компания цианидди транспорттоого, сактоого жана алтын өндүрүүдө пайдаланууга тиешелүү бардык процедуралардын жана документациялардын эки жолку аудитордук текшерүүсүнөн өткөн. WESA аудитордук компаниясынан Цианидди пайдалануунун эл аралык институту тарабынан тандалып алынган көз карандысыз эксперттер компаниянын бардык бардык процедуралары жана операциялары Цианидди пайдалануунун эл аралык кодексинин принциптери менен толук ылайык жүзөгө ашырылып жаткандыгы жөнүндө корутунду беришти. Натыйжада 2012-жылдын майында Цианидди пайдалануунун эл аралык институтунун сертификатын алуу «Кумтөр Оперейтинг Компани» үчүн экологиялык жоопкерчилик тармагындагы олуттуу окуя болуп калды. Курчап турган чөйрөнү коргоо боюнча отчет менен сиздер бул жерден тааныша аласыздар.

Бүгүн, 2012-жылдын 16-июлунда, «Кумтөр Оперейтинг Компани» 2011-жылга Курчап турган чөйрөнү коргоо боюнча отчетту сунуш кылды. Бул документ 1996-жылдан баштап жыл сайын чыгарылып келет. Отчет мамлекеттик органдарга, өкмөттүк эмес секторго жана коомчулукка “Кумтөр” кен ишканасындагы экологиялык кырдаал жана компания тарабынан курчап турган чөйрөнү коргоо боюнча көрүлүп жаткан чаралар жөнүндө маалымат берүү үчүн жарыяланат

Кумтөр – башкы байлыгыбыз, алтындан асыл, акчадан нарктуу. Марттыгы дүйнөдө жок. Берген алтыны тартылган азапты, кеткен чыгымдарды, капыстыктарды – баарын унуткарууга жетет

Ысык-Көл облусунун Жети-Өгүз жана Тоң райондорунда «Кумтор Оперейтинг Компании» мекемесинин каржылоосу менен Ысык-Көл областынын түштук бөлүгүндөгү жамааттарды активдештирүүгө багытталган долбоор башталды. Бул долбоор «Бир Aйыл-Бир Продукт» (БАБП) ассоциациясы аркылуу ишке ашырылат

2012-жылдын 13-июнунда Жети-Өгүз районунда кызыккан малчылар үчүн «Кумтөр Оперейтинг Компанинин» колдоосу менен «Сыр чыгаруу» темасында тренинг болуп өтмөкчү

Майдын аягында компаниянын кызматкерлери «Кумтөр» кен ишканасынын турак-жай лагеринен алыс эмес жерден аркарды таап алышкан, анын абалы оор экен. Үйүрүнөн ажыраган жаш ургаачы аркар аз жерден карышкырларга жем болуп кала таштаган. Жаракат алган ал адамдардын жардамына муктаж болгон

Ишемби күнү кечинде, 2012-жылдын 2-июнунда, «Кумтөр» кен ишканасы менен транспорттук катнаш калыбына келтирилди