ЭЛЕКТРОМОНТЕРЛОР ҮЧҮН ОКУУ ӨТКӨРҮҮ БОЮНЧА КЫЗМАТТАРДЫ САТЫП АЛУУ

ЭЛЕКТРОМОНТЕРЛОР ҮЧҮН ОКУУ ӨТКӨРҮҮ БОЮНЧА КЫЗМАТТАРДЫ САТЫП АЛУУ

Жарыяланган: 11 September 2026

АРЫЗ БЕРҮҮ МӨӨНӨТҮ: 2026-жылдын 18-сентябры, саат 14:00гө чейин (Бишкек убактысы боюнча).

«Кумтөр Голд Компани» ЖАК сизди электромонтерлор үчүн окуу өткөрүү боюнча кызматтарды сатып алуу үчүн котировкаларды суроо ыкмасы менен тандоого катышууга чакырат «Электр кыймылдаткычтар» темасы боюнча.

Сатып алуунун предмети Электромонтерлор үчүн «Электр кыймылдаткычтар» темасы боюнча окуу
Техникалык тапшырма: Техникалык тапшырма №1 тиркемеде келтирилген жана ушул котировкаларды суроо-талаптын ажырагыс бөлүгү болуп саналат.
Берүү форматы: Катышууга табыштама жана башка документтер табыштамага жана келишим боюнча милдеттенмелерге кол коюуга ыйгарым укугу бар адам тарабынан кол коюлушу керек.

Документтер мөөр менен күбөлөндүрүлүп, PDF форматында берилүүгө тийиш (баалар таблицасы .xlsx форматында кошумча берилиши керек).

Кол коюучунун ыйгарым укуктары ишеним кат же тиешелүү документтердин күбөлөндүрүлгөн көчүрмөлөрү менен ырасталууга тийиш.
Сунуштарды берүү тартиби

 

 Катышуучулар тандоо талаптарына ылайык катышууга өтүнмөнү кыргыз тилинде берип, зарыл документтердин көчүрмөлөрүн тиркеп, аларды электрондук түрдө [email protected] электрондук дарегине 2026-жылдын 18-сентябры, саат 14:00гө чейин жөнөтүүгө тийиш.

Башка электрондук дарекке келип түшкөн коммерциялык сунуштар каралбайт.

Катышуучу Буйрутмачы тарабынан берилген Техникалык тапшырмага ылайык өтүнмөнүн баасын камтыган коммерциялык сунушту берүүгө милдеттенет.
Катышууга табыштама төмөнкү документтерди камтууга тийиш: КС төмөнкүлөрдү эске алуу менен берилет:

∙ Кызматтарды аткаруу мөөнөттөрү

∙ Кызмат көрсөтүлүүчү жер

∙ Төлөө шарттары

∙ Коммерциялык сунуштун колдонуу мөөнөтү (кеминде 30 календардык күн, мүмкүн болушунча узак мөөнөт)
Берилүүчү товарларга, аткарылуучу иштерге жана көрсөтүлүүчү кызматтарга талаптар 1) Окуунун жыйынтыгы боюнча электромонтерлор электр кыймылдаткычтардын негизги түрлөрүнүн түзүлүшүн, иштөө принциптерин жана өзгөчөлүктөрүн билиши керек;

2) Аткаруучу катталган өлкөнүн мыйзамдарына ылайык тиешелүү түрдөгү билим берүү кызматтарын көрсөтүүгө укуктуу болушу жана эгерде алардын болушу милдеттүү болсо, тастыктоочу документтерди бериши керек.

3) Окутуучуга коюлуучу талаптар. Электротехникалык багыттагы жогорку же орто кесиптик билим; тастыкталган квалификация; электр кыймылдаткычтарды эксплуатациялоо, диагностикалоо же оңдоо боюнча кеминде 3 жылдык практикалык тажрыйба; электромонтерлорду окутуу же өндүрүштүк-техникалык сабактарды өткөрүү тажрыйбасы.

4) Аттестация. Ар бир топтун окуусу аяктагандан кийин курстун мазмуну боюнча жазуу жүзүндөгү тестти жана практикалык тапшырмаларды камтыган зачет өткөрүлөт. Баалоо критерийлери аттестация башталганга чейин угуучуларга жеткирилет. Канааттандырарлык эмес жыйынтык болгон учурда Аткаруучу макулдашылган мөөнөттө кошумча акысыз бир жолу кайра аттестациядан өтүү мүмкүнчүлүгүн берет.

5) Угуучулардын саны: 8 адам, 4 адамдан турган 2 окуу тобуна бөлүнөт.

Кызматтын көлөмү: 2 топту окутуу. Ар бир топтун окуу узактыгы — 5 окуу күнү (40 академиялык саат).

Окутуу формасы: күндүзгү, теориялык жана практикалык сабактарды айкалыштыруу менен. Окутуу тили — орус тили.

Эки топтун окуусу 2026-жылдын 31-декабрынан кечиктирбестен аякташы керек.
Валюта:
Резиденттер коммерциялык сунушту чет өлкөлүк валютанын курсуна байлабастан, улуттук валютада берүүгө тийиш.

Резидент эместер коммерциялык сунушту каалаган валютада берүүгө укуктуу.
Баалоо критерийлери: Бардык квалификациялык талаптарга жана Техникалык тапшырманын шарттарына жооп берген жана эң оптималдуу шарттарды сунуштаган катышуучуга артыкчылык берилет.
Темасында «Электромонтерлор үчүн окуу боюнча КС»  көрсөтүлгөн сунуштар [email protected] электрондук почтасына 2026-жылдын 18-сентябры, саат 14:00дөн кечиктирбестен жөнөтүлүшү керек.
Буйрутмачы кайсы бир же бардык сунуштарды кабыл алууга же четке кагууга, ошондой эле Келишим ыйгарылганга чейин каалаган убакта тандоо процессин жокко чыгарууга укуктуу, жана тиешелүү катышуучулар алдында эч кандай милдеттенме албайт.
Коммерциялык сунуш расмий бланкта болууга тийиш.
Тандоонун катышуучулары тарабынан көрсөтүлгөн мөөнөттөрдөн кеч берилген конкурстук сунуштар кабыл алынбайт жана каралбайт.

Өз сунушун берүү менен Катышуучу Компаниянын талаптарында көрсөтүлгөн бардык шарттарга макулдугун билдирет.

Тандоонун ар бир катышуучусу бир гана конкурстук сунуш бере алат.

Конкурстук сунуштун колдонуу мөөнөтү кеминде 30 календардык күн болууга тийиш.

Конкурстук сунуштун колдонуу мөөнөтүндө ага өзгөртүүлөрдү киргизүүгө жол берилбейт.
Ушул конкурс боюнча бардык суроолор электрондук почта аркылуу төмөнкү дарекке жөнөтүлүүгө тийиш: [email protected]
Тандоонун шарттарын түшүндүрүү боюнча суроо-талаптар сунуш берүүнүн акыркы мөөнөтү келгенге чейин 3 календардык күн мурда жөнөтүлүүгө тийиш.

 

Тиркемелер:

  1. ТЕХНИКАЛЫК ТАПШЫРМА