«КУМТОР» КЕНИНДЕ ЖАЙГАШКАН УЧУРДАГЫ №2 УБАКТЫЛУУ СКЛАДДЫ (НЕМИС АНГАРЫН) КӨЧҮРҮҮ БОЮНЧА КЫЗМАТТАРДЫ САТЫП АЛУУ

«КУМТОР» КЕНИНДЕ ЖАЙГАШКАН УЧУРДАГЫ №2 УБАКТЫЛУУ СКЛАДДЫ (НЕМИС АНГАРЫН) КӨЧҮРҮҮ БОЮНЧА КЫЗМАТТАРДЫ САТЫП АЛУУ

Жарыяланган: 03 April 2026

АРЫЗДАРДЫ КАБЫЛ АЛУУНУН МӨӨНӨТҮ: 2026-жылдын 17-апрели, саат 14:00.

«Кумтор Голд Компани» ЖАК «Кумтор» кенинде жайгашкан учурдагы №2 убактылуу складды (немис ангарын) көчүрүү боюнча кызматтарды сатып алуу максатында эки пакеттүү ыкма менен чектөөсүз катышуусу бар конкурс өткөрүүгө чакырат.

Документтерди тапшыруу форматы: Катышууга арыз жана башка бардык документтер арызга жана келишим боюнча милдеттенмелерге кол коюу укугу бар ыйгарым укуктуу адам тарабынан кол коюлушу керек. Документтер мөөр менен бекитилип, PDF форматында тапшырылат. Кол коюучунун ыйгарым укуктары ишеним кат же тиешелүү документтердин нотариалдык тастыкталган көчүрмөлөрү менен ырасталууга тийиш.
Сунуштарды берүү тартиби:

 

 Конкурска катышуучулар конкурстун талаптарына ылайык орус тилинде катышуу сунушун, керектүү документтердин көчүрмөлөрү менен бирге, электрондук форматта warehouse2026@kumtor.kg электрондук дарегине 2026‑жылдын 17‑апрелинде саат 14:00гө чейин (Бишкек убактысы боюнча) жөнөтүшү керек.

Конкурс эки этапта өткөрүлөт жана ар бир этап үчүн эки өзүнчө кат даярдалышы зарыл:

·       Биринчи кат (1‑этап үчүн) – квалификациялык жана техникалык бөлүктү тастыктаган документтер менен.
Каттын темасында: «Квалификациялык документтер» деп көрсөтүү зарыл.

·       Экинчи кат (2‑этап үчүн) – финансылык сунуш менен.
Каттын темасында: «Финансылык документтер» деп көрсөтүү зарыл.

Техникалык тапшырма ушул конкурстук документацияга тиркелет.
Катышуучу Заказчы тарабынан берилген Техникалык тапшырмага ылайык, өтүнмөнүн баасын камтыган коммерциялык сунушту берүүгө милдеттенет.
  1 этап: Квалификациялык жана техникалык бөлүк
 

 

 

 

 

Катышууга сунуш төмөнкү документтерди камтышы керек:

 

 Конкурска катышууга кызыкдар экендигин тастыктаган кат;
Берүүчүнүн арызы/сунушу;
Подряддык уюм тарабынан курулуш‑монтаж иштерин аткаруу боюнча кеминде 5 (беш) жылдык тажрыйба (аткарылган келишимдердин жана аткарылган иштердин актыларынын көчүрмөлөрү тиркелсин), техникалык тапшырмага ылайык;
Курулушта кеминде 5 (беш) жылдык иш тажрыйбасы бар, ушул конкурс предметине көлөмү, багыты жана конструкциясынын түрү боюнча окшош кеминде эки долбоорду ишке ашырган, сертификацияланган долбоор жетекчисинин (прораб, участок башчысы) жана геодезисттин болушу (тастыктоочу документтердин көчүрмөлөрү тиркелсин);
Ширетүү иштерин жүргүзүүгө укук берген атайын күбөлүктөрү бар аттестацияланган ширетүүчүлөрдүн болушу (тастыктоочу документтердин көчүрмөлөрү тиркелсин);
Ушул Техникалык тапшырманын шарттарында каралган иштерди аткаруу үчүн зарыл болгон тиешелүү материалдык‑техникалык базанын (унаалар, механизмдер, шаймандар) баланста болушу, муну тастыктаган документтердин көчүрмөлөрү (техникалык паспорттор жана/же ижара келишимдери) менен;
Конкурстук арызды камсыздоочу декларация;
Ак ниеттүүлүк жөнүндө декларация;
Мурун аткарылган келишимдер боюнча сунуш каттар жана пикирлер;
Юридикалык жакты каттоо тууралуу күбөлүктүн сканерден өткөрүлгөн көчүрмөсү;
Негизги ишмердүүлүк түрүн аныктаган документтин (Уставдын), ошондой эле жетекчи кылып дайындоо жөнүндө чечимдин сканерден өткөрүлгөн көчүрмөлөрү;
Акыркы отчеттук датага карата мамлекеттик органдар алдында салыктык жана камсыздандыруу карыздарынын жоктугу жөнүндө маалымкат;
2024–2025‑жж. финансылык отчеттуулуктун түп нускасынын сканерден өткөрүлгөн көчүрмөлөрү:

·       Бухгалтердик баланс;

·       Кирешелер жана чыгашалар жөнүндө отчет;

·       Акча каражаттарынын кыймылы жөнүндө отчет;

·       Капиталдын өзгөрүшү жөнүндө отчет;
же

·       2024–2025‑жж. Бирдиктүү салык декларациясы.
 

 

 

Баалоо критерийлери:

 

 ·           Бардык квалификациялык талаптарга жооп берген жана толук документтер пакетин тапшырган сунуш тандоодон өткөн деп эсептелет;

·       Катышуучулар техникалык тапшырмага ылайык квалификациялык маалыматтарды тастыктоо үчүн талап кылынган бардык документтерди берүүгө милдеттүү;

·       Келишимдин аткарылышын кепилдөөчү камсыздоо (ГОИД) – конкурс документациясында көрсөтүлгөн талапка ылайык, конкурс жеңүүчүсү тарабынан декларация түрүндө жол‑жоболоштурулат.
Финансылык сунушту берүү тартиби

 

 2‑этап: Финансылык бөлүк

Каттын темасында төмөнкүлөр көрсөтүлүшү зарыл:

«Сунуштун наркы (катышуучунун аталышы)»

Каттын мазмуну пароль менен корголушу керек. Пароль биринчи этаптан өткөн катышуучудан кошумча суралат.

·       Баа/сапат/кызмат көрсөтүүнүн мөөнөттөрү боюнча эң жакшы шарттарды сунуштаган жана Техникалык тапшырманын талаптарына жооп берген катышуучу конкурс жеңүүчүсү болуп саналат;

·       Катышуучу көрсөткөн иштердин наркы Кыргыз Республикасынын мыйзамдарына ылайык алынуучу бардык салыктарды, жыйымдарды, төлөмдөрдү жана келишимдик милдеттенмелерди аткарууга байланыштуу башка бардык чыгымдарды камтышы керек;

Парольсуз же квалификациялык документтер менен бирге берилген финансылык/коммерциялык сунуш үчүн сатып алуучу уюмдун конкурстук комиссиясы маалыматтын купуялуулугуна жоопкерчилик тартпайт.
 «Сунуштун наркы (катышуучунун аталышы)» темасы менен сунуштарды
warehouse2026@kumtor.kg электрондук дарегине 2026‑жылдын 17‑апрелинде саат 14:00гө чейин (Бишкек убактысы боюнча) жөнөтүү зарыл.
Заказчы келишим ыйгарылганга чейин каалаган сунушту же бардык сунуштарды кабыл алууга же четке кагууга, ошондой эле тандоо процессин каалаган убакта жокко чыгарууга укуктуу, мында катышуучулар алдында эч кандай милдеттенме албайт.
Конкурстук сунуш расмий бланкта берилиши керек.
Белгиленген мөөнөттөн кеч берилген сунуштар кабыл алынбайт жана каралбайт.

Сунуш берүү менен катышуучу Компаниянын талаптарында көрсөтүлгөн бардык шарттарга макул экендигин ырастайт.
Ар бир катышуучу бир гана конкурстук сунуш бере алат.
Конкурстук сунуштун колдонуу мөөнөтү кеминде 60 календардык күн болушу керек.
Бул мөөнөт ичинде сунуштарга өзгөртүүлөрдү киргизүүгө жол берилбейт.
Тандоодон өткөн катышуучу келишимге кол койгонго чейин келишимдин аткарылышын кепилдеген декларация берүүгө милдеттүү.
Конкурс боюнча бардык суроолорду төмөнкү электрондук дарекке жөнөтсөңүз болот:
adilet.turganbaev@kumtor.kg
Тандоонун шарттарын тактоо боюнча суроо‑талаптар сунуш берүү мөөнөтү аяктаганга чейин 3 календардык күн мурда жөнөтүлүшү керек.

 

Тиркемелер:

  1. БАРДЫК ТИРКЕМЕЛЕР