ТЕХНИКАЛЫК КОНТРОЛДОО БӨЛҮМҮНӨ ЭКИ ЖЫЛДЫК ТАКШАЛМА ӨТҮҮ ҮЧҮН ТАНДОО

Жарыяланган: 14 February 2024

ТАКШАЛМАГА КАБЫЛ АЛУУ ЖАБЫЛДЫ.

“Кумтөр Голд Компани” ЖАК Техникалык контролдоо бөлүмүнө (ТКБ) эки жылдык стажировкадан өтүү үчүн ЖОЖдордун бүтүрүүчүлөрүн тандоо жүргүзөт.

Талаптар:

• Билим, квалификация: Түстүү металлургия же пайдалуу кен-байлыктарын байытуу тармагында;
• Иш тажрыйбасы (тармак, кызмат, канча убакыт): Окшош профилдеги инженердик-техникалык кызматтарда адистик боюнча иш тажрыйбасы артыкчылык болот;
• Билим жана көндүмдөр: Приоритеттерди коюу, командада иштөө, көйгөйлөрдү натыйжалуу чечүү, стресске чыдамдуулук жана бир эле учурда бир нече тапшырмаларды аткаруу жөндөмдүүлүгү;
• Жеке сапаттар: Жоопкерчилик, тыкандык, тартиптүүлүк;
• Кошумча көндүмдөр (тилдерди билүү, компьютердик программалар ж.б.): Программалык камсыздоону билүү (MS Office), тилдерди билүү артыкчылык болот.

Милдеттер:

• Белгиленген стандарттарга ылайык технологиялык өлчөөлөрдү жана анализдерди, физикалык, химиялык жана башка изилдөөлөрдү жүргүзүүгө көмөк көрсөтүү;
• Эксперименталдык иштерди колдоо, өндүрүштүк сыноолорго, жаңы фабрикалык долбоорлорго катышуу;
• Лабораториялык жабдуулардын, приборлордун жана жумуш орундарынын абалы эмгекти коргоо талаптарына жооп беришин камсыздоо жана орун алган кемчиликтерди жоюу боюнча чараларды көрүү;
• Белгиленген отчеттуулук формаларын даярдоого жана тапшырууга көмөктөшүү;
• Контролдук өлчөөлөрдү, мониторингди, эсептөөлөрдү жана өндүрүш үчүн зарыл болгон башка иштердин түрлөрүн жүргүзүүгө көмөк көрсөтүү.

Такшалманын шарттары:

• Акы төлөнүүчү такшалма
• Такшалманын узактыгы – 2 жыл
• Такшалманын орду – Кумтөр кен ишканасы
• Такшалманын графиги – 14/14

Тандоого катышуу үчүн төмөнкүлөр керек:

• Анкетаны толтуруп, бардык керектүү документтерди 2024-жылдын 28–февралында 16:00 дөн кечиктирбестен шилтеме аркылуу өтүп тиркеңиз.

Тестирлөөгө жана маектешүүгө эң ылайыктуу талапкерлер гана чакырылат.