АЫФтын КАЛДЫКТАРДЫ САКТОО БӨЛҮМҮНӨ ЭКИ ЖЫЛДЫК ТАКШАЛМА ӨТҮҮ ҮЧҮН ТАНДОО

Жарыяланган: 28 July 2025

ТАПШЫРУУНУН АКЫРКЫ МӨӨНӨТҮ: 11.08.2025, 16:00го чейин.

“Кумтөр Голд Компани” ЖАКтын АЫФтын Калдыктарды сактоо бөлүмүнө эки жылдык такшалма программасынан өтүү үчүн ЖОЖдордун бүтүрүүчүлөрүн тандоо жүргүзөт.

Талаптар:

• Жогорку техникалык билими тууралуу диплом («Гидротехникалык курулуш» багыттын «Гидротехника» адистиги боюнча);
• Ар кандай объектилерде жана ишканаларда өз адистиги боюнча иш тажрыйбасы бар болуу же такшалмадан өткөндүгү артыкчылык болот;
• Жоопкерчилик, командада иштей билүү, тактык жана тыкандык, демилгелүүлүк, кесиптик өнүгүүгө умтулуу;
• Компьютерди ишенимдүү колдонуу;
• Кыргыз, орус тилдерин билүү;
• Англис тилин билүү (милдеттүү эмес, бирок артыкчылык).

Милдеттер:

• Калдык сактоочу жайлардагы курулуш-монтаждоо, оңдоо жана эксплуатациялык жумуштарды аткарууга катышуу;
• Гидротехникалык курулмалардын абалын көзөмөлдөө жана мониторинг жүргүзүү каражаттары менен таанышуу;
• Калдыктарды сактоочу жайда колдонулуучу приборлордун жана куралдардын иштөө ыкмаларын жана эрежелерин үйрөнүү;
• Өндүрүштүк ишмердүүлүктө колдонулган эсептөө жана байланыш каражаттарын өздөштүрүү;
• Эмгекти коргоо жана коопсуздук эрежелерин, ЖККны колдонуу боюнча талаптарды, өндүрүштүк нускамаларды, КГКнын жоболорун, буйруктарды жана башка ченемдик документтерди сактоо.

Такшалманын шарттары:

• Акы төлөнүүчү такшалма
• Такшалманын узактыгы – 2 жыл
• Такшалманын орду – Кумтөр кени
• Такшалманын графиги – 14/14

Тандоого катышуу үчүн төмөнкүлөр керек:

• Анкетаны толтуруп, бардык керектүү документтерди 2025-жылдын 11-августунда 16.00дөн кечиктирбестен шилтеме аркылуу өтүп тиркеңиз.

Тестирлөөгө жана маектешүүгө эң ылайыктуу талапкерлер гана чакырылат.