КЫЗМАТТАШУУГА КЫЗЫКДАР КВАЛИФИКАЦИЯЛУУ КУРУЛУШ КОМПАНИЯЛАРЫНЫН ТИЗМЕСИН ТҮЗҮҮ БОЮНЧА

КЫЗМАТТАШУУГА КЫЗЫКДАР КВАЛИФИКАЦИЯЛУУ КУРУЛУШ КОМПАНИЯЛАРЫНЫН ТИЗМЕСИН ТҮЗҮҮ БОЮНЧА

Жарыяланган: 29 July 2025

ТАБЫШТАМА БЕРҮҮНҮН АКЫРКЫ МӨӨНӨТҮ: 2025-жылдын 7-августу саат 14:00 чейин.

«Кумтөр Голд Компани» ЖАК Сиздерди кызматташууга кызыкдар квалификациялуу курулуш компанияларынын тизмесин түзүүгө катышууга чакырат.

Тапшыруу форматы: Квалификациялык тандоодон өтүү үчүн арызга жана башка документтерге арызга кол коюуга ыйгарым укугу бар адам кол коюшу керек. Документтер мөөр басылып, PDF форматында берилиши керек. Кол коюучунун ыйгарым укуктары ишеним кат же тиешелүү документтердин күбөлөндүрүлгөн көчүрмөлөрү менен тастыкталышы керек.
Табыштаманы берүү тартиби:

 

 Конкурстун катышуучулары орус тилинде катышуу үчүн табыштаманы жазып, документтердин керектүү көчүрмөлөрүн тиркеп, 2025-жылдын 7-августунда саат 14:00гө чейин BBC.2025@kumtor.kg электрондук дарегине жөнөтүшү керек.
Катышуу үчүн табыштама төмөнкү документтерди камтууга тийиш: Кызматташууга кызыкдар экендигин тастыктаган кат.
Подряддык уюмдун акыркы 3 жылдагы курулуш-монтаждоо иштерин аткаруу тажрыйбасы. (ийгиликтүү аткарылган долбоорлорду көрсөтүү менен референс-баракты тиркөө).
Күбөлөндүрүлгөн жетекчинин жана курулушта беш жылдан кем эмес иш стажы бар персоналдын болушу (адистердин маалыматтарын тиркөө).
Курулуш иштери үчүн атайын жабдуулардын бар экендигин тастыктоо. (жеткиликтүү атайын жабдуулардын тизмесин тиркөө)
Персоналды жеке коргонуу каражаттары менен камсыз кылганын далилдөө.
Өнөр жай жана өрт коопсуздугунун талаптарын аткаргандыгын тастыктоо.
Курулуш-монтаж иштерин жүргүзүү үчүн зарыл болгон лицензиялар, күбөлүктөр. (Сканерленген көчүрмөлөрүн тиркөө).
Мурунку келишимдерди аткаруу боюнча сунуштар жана пикирлер.
Юридикалык жакты каттоо жөнүндө күбөлүгүнүн сканерленген көчүрмөсү;
Негизги ишмердикти аныктоочу документтин (Уставдын) сканерленген көчүрмөсү, ошондой эле директор болуп дайындоо жөнүндө чечимдин сканерленген көчүрмөсү;
Мамлекеттик органдарга акыркы отчеттук датага карата салык төлөмдөрүнүн жана камсыздандыруу төлөмдөрүнүн карызы жоктугу жөнүндө маалымдама.
2023–2024 финансылык отчетторунун түп нускасынын сканерленген көчүрмөлөрү:

·      Бухгалтердик баланс;

·      Пайдалар жана чыгымдар жөнүндө отчет;

·      Акча агымдары жөнүндө отчет;

·      Капиталдын өзгөрүшү жөнүндө билдирүү;

·      Же 2023–2024 жылдар үчүн бирдиктүү салык декларациясы.
Квалификациялуу курулуш компанияларынын тизмесине бардык талап кылынган маалыматтарды берген уюмдар киргизилет.
“Квалификациялуу компаниялардын тизмесин түзүү” темасын камтыган сунуш 2025-жылдын 7-августунда саат 14:00 чейин BBC.2025@kumtor.kg электрондук почта аркылуу жөнөтүлүшү керек.
«КГК» ЖАК кайсы бир же бардык сунуштарды кабыл алууга же четке кагууга, ошондой эле катышуучулардын алдында эч кандай милдеттенме албастан тандоо процессин каалаган убакта жокко чыгарууга укуктуу.
Сунуш расмий бланкта болушу керек.
Конкурска байланыштуу бардык суроолор электрондук почтага Baisal.Taalaibekov@kumtor.kg дарекке жөнөтсөңүз болот.