КООМДУК ТАМАКТАНУУ КЫЗМАТЫНА ЭКИ ЖЫЛДЫК ТАКШАЛМА ӨТҮҮ ҮЧҮН ТАНДОО

Жарыяланган: 21 January 2026

ТАПШЫРУУНУН АКЫРКЫ МӨӨНӨТҮ: 04.02.2026, 16:00го чейин.

“Кумтөр Голд Компани” ЖАКу Коомдук тамактануу коомдук кызматына эки жылдык такшалма программасын өтүү үчүн ЖОЖдын бүтүрүүчүлөрүнүн арасында тандоо жүргүзөт. 

Талаптар:

• Орто кесиптик же жогорку билим (ашпозчулук багыты артыкчылыкка ээ);
• Жакшы өнүккөн коммуникативдик көндүмдөр, командада иштей билуу;
• Үйрөнүүгө жана тамак даярдоонун жаңы технологияларын өздөштүрүүгө даярдык;

• Ашпозчулук багытындагы квалификацияны жогорулатуу сертификаттарынын болушу артыкчылык болуп эсептелет;
• Стресске туруктуулук, жогорку жүктөм алдында иштей билүү;
• Бийик тоолуу шарттарда иштөө үчүн медициналык каршы көрсөтмөлөрдүн жоктугу

Милдеттер:

• Ар түрдүү тамактарды даярдоого керектүү жарым фабрикаттарды жасоо (жемиштерди жана жашылчаларды тазалоо жана тууралоо);
• Ашпозчуларга тамактарды даярдоодо жардам берүү;
• Ашкана жабдууларын жана идиш-аяктарды таза кармоо;
• Конвейердик идиш жуугуч машинаны башкаруу (фарфор жана айнек идиштерди жүктөө жана алуу);
• Башкы – ашпозчунун же тамак-аш камсыздоо координаторунун тапшырмаларын аткаруу;
• Жалпы тазалоо иштерин жүргүзүү.

Такшалманын шарттары:

• Эмгек акы төлөнүүчү такшалма
• Такшалманын узактыгы – 2 жыл
• Такшалманын орду – Кумтөр кени
• Такшалманын графиги – 14/14

Тандоого катышуу үчүн төмөнкүлөр талап кылынат:

• Анкетаны толтуруп, баардык керектүү документтерди 2026-жылдын 4-февралында 16:00дөн кечиктирбестен шилтеме аркылуу өтүп тиркеңиз.

Тестирлөөгө жана маектешүүгө эң ылайыктуу талапкерлер гана чакырылат.