КАРЬЕРДИ КУРГАТУУ ЖАНА СУУ АГЫЗУУ КЫЗМАТЫНА ЭКИ ЖЫЛДЫК ТАКШАЛМА ӨТҮҮ ҮЧҮН ТАНДОО

Жарыяланган: 23 January 2026

ТАПШЫРУУНУН АКЫРКЫ МӨӨНӨТҮ: 08.02.2026, 16:00го чейин.

“Кумтөр Голд Компани” ЖАК жогорку окуу жайлардын бүтүрүүчүлөрү арасында Карьерди кургатуу жана суу агызуу кызматына эки жылдык такшалма өтүү үчүн тандоо жүргүзөт. 

Талаптар:

• Тоо-кен тармагында жогорку окуу жайын аяктагандыгы тууралуу диплом;
• Microsoft Office программаларын жакшы билүү;
• Натыйжалуу баарлашуу жөндөмү;
• Кесиптик көндүмдөрдү үйрөнүүгө умтулуу;
• Жеке сапаттар: эмгекчилдик, жоопкерчилик, командада иштей билүү;
• Оор физикалык жумуштарды аткаруу үчүн, жакшы физикалык даярдык;
• Тоо шарттарында иштөөгө жарамдуулук;
• Такшалмадан өткөндүгүнүн жыйынтыктары боюнча отчетторду жана баяндамаларды даярдай билүү

Милдеттери:

• Ачык тоо-кен казуу иштерин жүргүзүүдө, ошондой эле сууну чыгаруу жана кургатуу процесстерин аткарууда коопсуз иштөө ыкмаларын изилдөө жана өздөштүрүү;
• Отчеттук документтерди жана иш кагаздарын жүргүзүү боюнча көндүмдөрдү өздөштүрүү;
• Карьерде колдонулган алдыңкы технологиялар менен таанышуу;
• Тоо-кен өндүрүш бөлүмүнүн ишин, анын ичинде диспетчердик кызматтын жана MineSense системасынын иши менен таанышуу;
• Түз жетекчинин ар кандай тапшырмаларын аткаруу;
• Такшалма учурунда Компаниянын Эрежелеринде көрсөтүлгөн коопсуздук техникасынын жана эмгек тартибинин эрежерлин сактоо.

Такшалма шарттары:

• Акы төлөнүүчү такшалма
• Такшалма мөөнөтү – 2 жыл
• Такшалма өтүү жери – “Кумтөр” кени
• Такшалма графиги – 14/14

Тандоого катышуу үчүн:   

• 2026-жылдын 8-февраль күнү, саат 16:00 кечикпестен, шилтеме аркылуу өтүп, анкетаны толтуруп, ага бардык керектүү документтерди тиркөө керек.

Тестирлөөгө жана маектешүүгө эӊ ылайыктуу талапкерлер гана чакырылат.