ФОТОРЕПОРТАЖ — ЖОЛДОШТУК БЕТТЕШТЕ «КУМТӨР ГОЛД КОМПАНИ» 3:2 ЭСЕБИНДЕ ЖЕҢИШКЕ ЖЕТТИ

Жарыяланган: 22 August 2025

Кара-Балта шаарында «Манас» спорт комплексинде «Кумтөр Голд Компани» менен «Макмал Голд Компани» футбол боюнча командалары жолдоштук беттеш өткөрдү. Оюн чындыгында абдан кызыктуу жана жогорку чыңалуу менен өттү: жаркыраган зор чабуулдар, кооз айкалышкан комбинациялар чыңалууну соңку мүнөттөргө чейин сактады.

Эки команда тең күчүн аяган жок. Оюндун акыркы мүнөттөрүндө, Балыкчы өткөөл базасынын кызматкери Токтобеков Бакай жеңиш голду киргизип, команданы 3:2 эсебине жеткизди.

Бул жолугушуу футбол сүйүүчүлөрү үчүн чыныгы майрам болду. Күйөрмандар көптөгөн сезимдерди баштан өткөрүп, оюнду кызыгуу менен кубанып көрүштү. Ошондой эле беттеш алтын өндүрүүчү компаниялардын кызматкерлер ортосундагы достукту жана кызматташтыкты мындан дагы бекемдөөгө чоң салым кошот.