ФИНАНСЫЛЫК ПЛАНДОО ЖАНА ТАЛДОО БОЮНЧА БУХГАЛТЕР (БИШКЕК Ш. КЕҢСЕ)

Жарыяланган: 18 June 2025

ТАПШЫРУУНУН АКЫРКЫ МӨӨНӨТҮ: 24.06.2025, 16:00го чейин.

КЫЗМАТЫ:                            Финансылык пландоо жана талдоо боюнча бухгалтер

БӨЛҮМ:                                   Бухгалтерия

ИШ ОРДУ:                              Бишкек ш. кеңсе

СТАТУС:                                 Штаттык кызматкер

ӨТҮНМӨ НОМЕРИ:             KOC– 25–016

ИШ ГРАФИГИ:                     5/2 (8 саат)

Кызматтык милдеттери:

1. Финансылык пландоо:
   • Бюджеттерди иштеп чыгуу жана талдоо: Компаниянын бюджеттерин, анын ичинде операциялык, капиталдык жана финансылык бюджеттерди түзүү жана көзөмөлдөө;
   • Кирешелерди жана чыгашаларды болжолдоо: Тарыхый маалыматтарга, рыноктук тенденцияларга жана бизнес-стратегияларга негизделген болжолдоолорду даярдоо;
   • Финансылык моделдерди иштеп чыгуу: Келечектеги финансылык көрсөткүчтөрдү (мисалы, киреше, акча агымдары жана рентабелдүүлүк) баалоо үчүн финансылык моделдерди түзүү.
2. Финансылык талдоо:
   • Финансылык натыйжаларды талдоо: Компаниянын финансылык көрсөткүчтөрүн (мисалы, киреше, рентабелдүүлүк, ликвиддүүлүк, капиталдын жүгүртүлүшү) баалоо жана пландалган маанилерден четтөөлөрдү талдоо;
   • Отчетторду даярдоо жана талдоо: Бухгалтердик отчетторду (баланс, пайда жана чыгымдар жөнүндө отчет, акча агымдары жөнүндө отчет) түзүү жана талдоо, ошондой эле жетекчилик үчүн отчетторду даярдоо;
   • Инвестициялардын натыйжалуулугун баалоо: Долбоорлорду жана инвестицияларды финансылык туруктуулугун баалоо максатында талдоо (NPV, IRR, кайтарып берүү мөөнөтү ж.б.);
   • Финансылык тобокелдиктерди баалоо: Валюталык өзгөрүүлөрдү, пайыздык чендердин өзгөрүшүн, салык жүгүн жана башка факторлорду камтыган финансылык көрсөткүчтөр үчүн тобокелдиктерди баалоо.
3. Көзөмөл жана четтөөлөрдү талдоо:
   • Бюджеттин аткарылышын көзөмөлдөө: Бюджеттин аткарылышын туруктуу көзөмөлдөө, четтөөлөрдү аныктоо жана четтөөлөрдүн себептери жөнүндө отчетторду даярдоо;
   • Пландарды оңдоо боюнча сунуштарды берүү: Бюджеттен четтөөлөрдү талдоонун негизинде финансылык максаттарга жетүү үчүн оңдоочу чараларды сунуштоо.
4. Финансылык отчетторду даярдоо жана талдоо:
   • Колдонуудагы бухгалтердик эсеп стандарттарына жана компаниянын ички жоболоруна ылайык финансылык отчеттуулукту даярдоо жана талдоо. Өндүрүштүк эсепке алуу системасына жогорку тактык жана майда-чүйдөсүнө чейин көңүл буруу менен маалыматтарды киргизүү. Каталар табылса, финансылык жана эсепке алуу маалыматтарындагы каталарды жоюу;
   • Мурунку отчеттук мезгилдер үчүн маалыматтын тууралыгын текшерүү, анын ичинде баштапкы документтер жана эсепке алуу регистрлери менен салыштыруу. Жетекчиликтин же текшерүүчү органдардын суроо-талабы боюнча актуалдуу отчетторду жана көчүрмөлөрдү даярдоону камтыган финансылык маалыматтардын суроо-талап учурунда ишенимдүү чагылдырылышын камсыз кылуу. Жетекчилик жана кызыкдар тараптар (мисалы, акционерлер, инвесторлор) үчүн аналитикалык отчетторду даярдоо, финансылык көрсөткүчтөрдү талдоо жана жакшыртуу боюнча сунуштар. Тышкы колдонуучулар үчүн отчеттуулукту даярдоо (талап кылынса): салык органдары, инвесторлор, көзөмөлдөөчү органдар үчүн.
5. Башка бөлүмдөр менен координациялоо жана өз ара аракеттенүү:
   • Пландоо жана фактылык көрсөткүчтөр жөнүндө маалыматтарды чогултуу үчүн башка бөлүмдөр менен (мисалы, сатуу, маркетинг, сатып алуу бөлүмдөрү менен) кызматташуу;
   • Жетекчилик менен бирге компаниянын финансылык стратегияларын иштеп чыгууга жана ишке ашырууга катышуу.
6. Финансылык тенденцияларга мониторинг:
   • Финансылык пландарды жана болжолдоолорду оңдоо үчүн рыноктук тенденцияларды жана тышкы экономикалык кырдаалды талдоо;
   • Финансылык көрсөткүчтөрдүн негизинде компаниянын атаандаштыкка жөндөмдүүлүгүн талдоо жана рыноктук стандарттар менен салыштыруу.
7. Ички жана тышкы аудит процесстерин колдоо:
   • Аудит үчүн маалымат даярдоо: Ички жана тышкы аудит үчүн керектүү маалыматтарды түзүү, аудиторлорго финансылык операцияларды текшерүү процессинде жардам берүү;
   • Аудит учурунда аныкталган отчеттуулуктагы каталарды талдоо жана оңдоо.
8. Стратегиялык пландоого катышуу:
   • Компаниянын узак мөөнөттүү финансылык стратегиясын иштеп чыгууну колдоо, анын ичинде өнүгүүнүн ар кандай варианттарын баалоо;
   • Бизнести өнүктүрүүнүн жалпы стратегиясынын алкагында кыска мөөнөттүү жана узак мөөнөттүү финансылык пландарды түзүүгө жардам берүү.
9. Салыктык пландоого катышуу:
   • Бизнес операциялардын салыктык кесепеттерин баалоо жана салыктарды оптималдаштыруу максатында салык төлөмдөрүн пландоо;
   • Салык мыйзамдарын сактоо үчүн салык консультанттары менен өз ара аракеттенүү.

Минималдуу талаптар:

Билими:

• Финансы, бухгалтердик эсеп, экономика же бизнес жаатында жогорку билим;
• Кошумча квалификациялар (мисалы, CAP, CIPA) же квалификацияны жогорулатуу курстары артыкчылык болот.

Иш тажрыйбасы:

• Финансылык талдоо же пландоо жаатында 5 жылдан кем эмес иш тажрыйбасы;
• Бюджеттерди, отчетторду, болжолдоолорду түзүү жана талдоо менен иштөө тажрыйбасы;
• Эсепке алуу принциптерин, ЭЭФС стандарттарын билүү жана аларды колдонуу тажрыйбасы.

Билим жана көндүмдөр:

• Финансылык пландоо жана талдоо, бюджеттөө, отчеттуулукту түзүү жаатында терең билим;
• Финансылык моделдер менен иштөө жана финансылык көрсөткүчтөрдү талдоо жөндөмү;
• Компаниянын жетекчилиги, инвесторлор, көзөмөлдөөчү органдар үчүн отчеттуулукту даярдоо тажрыйбасы;
• Бизнестин натыйжалуулугун баалоо методдорун (мисалы, ROI, NPV, IRR ж.б.) билүү;
• Бухгалтердик жана салыктык стандарттарды, эсепке алуу жана отчеттуулук методдорун билүү;
• Финансылык системалар менен иштөө тажрыйбасы (1C, Excel).

Жеке сапаттар:

• Аналитикалык ой жүгүртүү жана майда-чүйдөсүнө чейин көңүл буруу;
• Көп көлөмдөгү маалымат менен иштөө, маалыматтарды системалаштыруу жана талдоо жөндөмү;
• Жакшы коммуникативдик көндүмдөр, финансылык маалыматтарды жетекчиликке сунуштоо жана түшүндүрүү жөндөмү;
• Финансылык маалыматтарды талдоонун негизинде чечим кабыл алуу жана жакшыртууларды сунуштоо жөндөмү.

Кошумча көндүмдөр:

• Кыска мөөнөттө жана көп милдеттерди аткаруу шартында иштөө жөндөмү;
• Финансылык көрсөткүчтөрдү жакшыртуу үчүн финансылык стратегияларды иштеп чыгуу көндүмдөрү;
• Англис тилин техникалык деңгээлде билүү. 

Кызыкдар талапкерлер анкета/резюмени ӨТҮНМӨНҮН НОМЕРИН КӨРСӨТҮҮ МЕНЕН Персоналды башкаруу бөлүмүнө (КОК) 2025-жылдын 24-июнунан кечиктирбестен тапшырышы керек.

Анкетаны жана резюмени hr.koc@kumtor.kg электрондук почтасына 2025-жылдын 24-июну саат 16:00гө чейин жөнөтсөңүз болот.

Анкетаны бул жерден алсаңыз болот: https://www.kumtor.kg/wp-content/uploads/2021/06/anketa-kandidata-na-rabotu_may-2021.pdf

МАЕКТЕШҮҮГӨ ЭҢ ЫЛАЙЫКТУУ ТАЛАПКЕРЛЕР ГАНА ЧАКЫРЫЛАТ.