Centerra Gold Inc.Centerra Gold Inc. («Центерра») – Борбордук Америкада, Азияда жана дүйнɵнүн башка региондорунда алтын казып алуу объектилерин эксплуатациялоого, иштетүүгɵ, геологиялык чалгындоого жана алууга адистешкен алтын казып алуучу компания. Центерра алдыӊкы канадалык алтын казып алуучу ишкана жана Борбор Азиядагы эӊ ири батыштык тоо-кен өндүршчүлөрдүн бири. Центерранын негизги ɵндүрүштүк объектилеринин бири Кыргыз Республикасында жайгашкан. Компаниянын башка ири ɵндүрүштүк объектиси Канаданын Британ Колумбиясында турат. Ал Центерра тарабынан Томпсон Крик (Thompson Creek) компаниясын алуу боюнча бүтүмдүн алкагында алынган.
Центерранын акциялары Торонтонун фондулук биржасында CG аббревиатурасы астында жүгүртүлɵт.

Кыргыз Республикасы, «Кыргызалтын» ААКсы аркылуу «Центерранын» акцияларынын эң ири пакетинин – 77 401 766 акций кармоочусу болуп саналат.

 

 

ЭЛ АРАЛЫК ПОРТФЕЛЬ

Кыска Фактылар

o Биз Борбор Азиядагы эӊ ири батыштык алтын казып алуучу ишкана болуп саналабыз; 2015-жылдын 31-декабрына карата активдерибиз 8,4 миллион унция далилденген жана ыктымал алтын запастарын түздү.
o 2016-жылы Центерра «Томпсон Крик Металз Компани» (Thompson Creek Metals Company Inc.) компаниясын алды; бүтүмдүн жалпы наркы болжол менен 1,1 миллиард АКШ долларын түздү.
o Компаниянын негизги активдери Кыргыз Республикасындагы «Кумтɵр» кен ишканасын камтыйт, анда 1997 – 2015-жж. аралыгында 10,4 миллиондон ашуун унция алтын казып алынган; Монголиядагы Бору алтын кен ишканасы, аны ɵнɵр жайлык иштетүү 2004-жылдын мартында башталган, а казып алынган баалуу металлдын жалпы кɵлɵмү 2015-жылдын акырына карата болжол менен 1,8 миллион унцияны түзгɵн; Канаданын Британ Колумбиясында жайгашкан эл аралык класстагы Маунт Миллиган алтын-жез кен ишканасы; Тиешелүү түрдɵ Британ Колумбиясында жана Айдахо штатында жайгашкан Эндако жана Томпсон Крик молибден кен ишканалары, ошондой эле АКШнын Пенсильваниясындагы тоо-кен ɵнɵр жай комплекси.
o Кумтɵр – чет элдик ээликтеги, мурдагы Советтер Союзунун ɵлкɵлɵрүндɵ жайгашкан эӊ ири алтын кен.
o Бору Монголиядагы биринчи заманбап тамырдык алтын кени болуп калды.
o Маунт Миллиган акыркы мезгилде Британ Колумбиясындагы биринчи жаӊы ири ɵнɵр жайлык кен болуп калды.
o 2013-жылы январда Центерра Түркиядагы Оксют Голд (Öksüt Gold) долбоорунун жалгыз ээси болуп калды.
o 2015-жылы мартта Центерра Канаданын Онтарио провинциясындагы Джеральдтон-Бирдмор жашыл таштуу алкагында жайгашкан Гринстоун Голд Проперти (Greenstone Gold Property) биргелешкен ишканасында бирдей үлүштүк катышуудагы теӊ укуктуу ɵнɵк болуп калды.
o Центерра Канадда, Мексикада, Монголияда, Никарагуада, Португалияда жана Түркияда келечектүү биргелешкен геологиялык чалгындоо ишканаларын түздү.
o Центерра 2016-жылы 11 миллион долларды геологиялык чалгындоо иштерине бɵлдү.

“Центерра” жөнүндө кошумча маалымат SEDAR www.sedar.com сайтында жана компаниянын www.centerragold.com сайтында жеткиликтүү жайгаштырылган.